उत्तम कुमार थापा ,भदौ १२ ,बझाङ ।बझाङ जिल्ला स्तरिय क्षयरोग कार्यक्रमकाे काेहर्ट विश्लेषण तथा समिक्षा गाेष्ठी सम्पन्न भएको छ ।
स्वास्थ्य कार्यालय बझाङ्गको आयोजनामा भएको उक्त कार्यक्रममा जिल्लाका १२ वटेै पालिकाले प्रतिनिधित्व गरेका थिय । कार्यक्रममा आव २०७७/०७८ मा सञ्चालित क्षयरोग नियन्त्रण कार्यक्रमहरुको समिक्षा भएको स्वास्थ्य कार्यालय बझाङ्गका क्षयरोग फोकल पर्सन नारायण जोशीले बताउनु भयो ।
आ व २०७७।७८ मा नया बिरामि पत्ता लाग्ने दर ६७ प्रतिलाख रहेको र जम्मा १४९ जना क्षयरोगका बिरामि हरुले जिल्लाका बिभिन्न स्वास्थ्य सस्थामा दर्ता भई उपचार लिएको र आ व २०७७।७८ मा बिरामीको उपचार सफलता दर ८९ प्रतिशत रहेको छ बिगत बर्षको तुलनामा यस वर्ष नया बिरामि पत्ता लाग्ने दर १४ प्रतिलाखका दरले बढेको हो । नेपाल ले सन २०३५ सम्ममा क्षयरोग मुक्त देश घोषणा गर्ने लक्ष्य लिए पनि समुदायमा क्षयरोगका बिरामिहरु धेरै रहेका तर उपचारको दायरा ल्याउन नसक्दा चुनौति थपिएको जोशी बताएका छन ।
समाजमा क्षयरोग र क्षयरोगका बिरामि हरु प्रति को बिध्यमान धारणा ले गर्दा धेरै नागरिकहरु अहिले पनि रोग लुकाएर बसेको र आगामि दिनहरुका सरोकार वाला सवैले लुकेर रहेका बिरामि हरु लाई खोज्ने र तिनि हरु लाई उपचारको दायरामा ल्याउने किसिममा कार्यक्रमहरु सञ्चालन गरे मात्र लक्षमा पुग्न सकिने स्वास्थ्य कार्यालय प्रमुख भानुभक्त जोशीले वताएका छन ।
