ट्रेन्डीङ्ग

Advertisment

SKIP THIS

जनपत्रकार संगठन नेपाल प्रदेश १ भेला सम्पन्न

English English Nepali Nepali

साउन ३१ धरान                                                 जनपत्रकार संगठन, नेपालको १ नम्बर प्रदेश भेला सम्पन्न भएको छ । संगठनका महाधिवेशन आयोजक समितिका केन्द्रीय सदस्य आलोक नेम्वाङको अध्यक्षतामा सम्पन्न भेलाले आगामी असोजमा सम्मेलन गर्ने निर्णय गरेको छ ।

विप्लव नेतृत्वको नेकपा निकट पत्रकार संगलनले भदौभरी प्रदेशभर १४ ओटै जिल्लाको जिल्ला सम्मेलन गर्ने र असोज ४ र ५ गते प्रदेश सम्मेलन गर्ने निर्णय गरेको छ । बैठकले जिल्ला सम्मेलन गर्नका लागि तीन जना केन्दीय सदस्यलाई छुट्टा छुट्टै जिल्लाको जिम्मेवारी तोकेको छ ।

आलोक नेम्वाङ, प्रविन अधिकारी र सर्गम श्रेष्ठलाई जिल्ला सम्मेलन गर्ने जिम्मेवारी तोकिएको हो । भेलाले भ्रष्ट्रचारी,दलाली,कमिसन खोरहरुको भण्डाफोर गर्दै समाचार सम्प्रेषण गर्ने निर्णय समेत गरेको छ ।

कार्यक्रममा बोल्दै भेलाका प्रमुख अतिथिसमेत रहेको नेकपाका केन्द्रीय सदस्य निर्मलले पत्रकारीता स्वतन्त्र हुन नसक्ने बताए । उनले बर्गविभेद रहेसम्म पत्रकारी कुनैपनि हालतामा स्वतन्त्र नहुने उनको भनाई थियो ।

‘जहाँ बर्गले विभेद जन्माउछ, त्यही विभदबाट विचार बन्छ ।’ भेलालाई सम्बोधन गर्दै निर्मलले भने, ‘विचार रहँदासम्म पत्रकारीता स्वतन्त्र हुन सक्दैन । त्यसैले वर्गसंघर्ष मार्फत वैैज्ञानिक समाजवाद स्थापना भए मात्र स्वातन्त्र पत्रकारीताको सुरुवात हुन्छ ।’

कार्यक्रममा बोल्दै जनपत्रकार संगठनका केन्द्रीय संयोजक शेरबहादुर विश्वकर्मा ‘दर्शन’ले नेपालमा जनपक्षीय पत्रकारीको अभाव रहेको बताए । देशमा दलाल संसदीय व्यवस्थाले पत्रकारीतामा समेत प्रभाव जमाएकाले दलालीकरणको अन्त्य गर्न जनपत्रकार संठगनको ठूलो भुमिका हुने बताए ।

‘एकिकृत जनक्रान्ति मार्फत वैज्ञानिक समाजवाद स्थापना गर्नका लागि प्रचार माध्ययको ठूलो भुमिका हुन्छ ।’भेलालाई सम्बोधन गर्दै संयोजक दर्शनले भने,‘जनपत्रकार संगठनलाई प्रचार व्रिगेटका रुपमा अगाडी सारेर वैज्ञानिक समाजवादका लागि जनमत सृजना गर्ने हाम्रो लक्ष्य छ । त्यसमा तपाईहरु ससक्त ढङ्गले लाग्नुहोस् ।’

कार्यक्रममा संगठनका केन्द्रीय सदस्य शोभराज बराल, सुदर्शन राज पाण्डे र नेकपा सुनसरी जिल्ला सेक्रेटरी विवसको उपस्थिति रहेको थियो । भेलामा प्रदेशभर १४ जिल्लाका करिव २५ जना जनपक्षिय पत्रकारहरुको सहभागीता रहेको थियो ।

यो समाचार पढेर तपाईलाई कस्तो लाग्यो ?



© आजको राशिफल
© Foreign Exchange Rates
© Gold Price Nepal