भुमही।राइजिङ स्टार सामुदायिक विकास प्रतिष्ठान भुमहीको आयोजनामा सुरु भएको प्रथम स्व. बिमल–बिनोद स्मृति कप ९ ए साइड नकआउट फुटबल प्रतियोगिता–२०८२ को उद्घाटन खेलमा जनशक्ति युवा क्लब बडेराले शानदार जितसँगै विजयी सुरुवात गरेको छ।
शुक्रबार उद्घाटन खेलमा जनशक्तिले लुम्बिनी माविलाई शून्यका विरुद्ध ४ गोलको फराकिलो अन्तरले हराउँदै सहज जित दर्ता गर्यो।जनशक्तिका जर्सी नम्बर १५ का रोशन थापा उत्कृष्ट प्रदर्शनसहित म्यान अफ द म्याच घोषित भए।
उद्घाटन कार्यक्रमका राइजिङ स्टार विकास प्रतिष्ठानका उपाध्यक्ष रमेश कुमार राणाले अध्यक्षता तथा प्रमुख अतिथि सुनवल नगरपालिकाका पूर्वनगर प्रमुख भिम बहादुर थापा (भरत) तथा तपन केवटको संचालनमा भएको थिए।
कार्यक्रम सुनवल नगरपालिका वडा १२ ला अध्यक्ष चुरामणी पौडेल(दिपक),पुर्व अध्यक्ष यामलाल पाण्डे फुतवल संघका उपाध्यक्ष मिलन गुरुङ,क्रीकेट संघका अध्यक्ष कृष्ण श्रेष्ठ लगायतको उपस्थित रहेको थियो।
