परासी।पुर्वपश्चिम राजमार्ग अन्तर्गत दाउन्ने पैसठ्ठी मोडमा मालबहाक सवारी फसेपछि दुम्किबास बर्दघाट सडकखण्ड एकतर्फी मात्र संचालन भएको छ।
शुक्रबार बिहान विनयी त्रिवेणी गाउँपालिका वडा-२ पैसठ्ठी मोड नजिकै बर्षाका कारण सडक हिलो र चिप्लो हुँदा भारतिय नम्बरको HR 55A W 6441 र UP 23 AT 6945 नम्बरको ग्यास बुलेट उकालो उक्लिन नसकी फसेको कारण यातायात संचालन हुन नसकेको हो।
पुर्वबाट पश्चिमतर्फ जाने सवारी साधनहरु संचालन हुन नसकेपनि बर्दघाटबाट दुम्किबासतर्फ आउने सवारी भने चलेको जिल्ला प्रहरी कार्यालय नवलपुरका डिएसपी मधु नेपालले बताए।एकतर्फी सवारी चलेको भएपनि सवारीको लामो जाम लागेको छ।
सामान्य बर्षामा पनि सडक चिप्लो भएर यातायात प्रभावित हुदा यो खण्ड भएर यात्रा गर्ने यात्रुले सास्ती भोग्नु परेको छ ।
