परासी।पश्चिम नवलपरासीको सुनवल-११ जर्गहामा सम्पन्न मधु स्मृति कप फुटबल प्रतियोगिताको उपाधी रोयल क्लब भुताहाले हात पारेको छ।
उपाधिका लागि पेनाल्टी सुटआउटमा लुम्बिनी माविलाई २ का बिरुद्द ४ गोल गर्दै उपाधि जितेको हो।उपाधि बिजेता रोयलले ३० हजार नगद सहित शिल मेडल प्रमाणपत्र र दोश्रो हुने लुम्बिनीले १५ हजार शिल मेडल प्रमाणपत्र प्राप्त गरे । प्रतियोगितामा १८ टिमको सहभागिता रहेको थियो।
निर्धारित समयमा १-१ गोल मा टुंगिएपछी पेनाल्टी सुटआउटमा पुगेको थियो।पहिलो हाफमा लुम्बिनी माविले १ गोलको अग्रता लिएपनि दोश्रो हाफमा भुतहाले दबाबमा राख्दै १ गोल गर्दै खेललाई बराबरीमा पुर्याएका थिए।पेनाल्टी सुटआउटमा लुम्बिनीका दुई खेलाडीले आउट हान्द उपाधि जित बंचित भयो।
प्रतियोगितामा सर्वाधिक गोल कर्ता बिमल घर्ति मगर रोयल भुताहा ,उत्कृस्ट गोल किप्पर संदेश गुरुङ लुम्बिनी माविका साथै सुरज आले उत्कृष्ट खेलाडी बन्दा र म्यान अफ द म्याच अनुप राना हात पारे।
