देवदह।रुपन्देहीको देवदहमा नगर स्तरीय अन्तर विद्यालय दोश्रो राष्ट्रपति रनिङ्ग शिल्ड प्रतियोगिता-२०८१ शुरु भएको छ।देवदह नगरपालिकाको आयोजना र केरवानी माध्यमिक विद्यालयको व्यवस्थापनमा भएको प्रतियोगिताको बिहिवार एक कार्यक्रमका बिच प्रतिनिधि सभा सदस्य छविलाल विश्वकर्माले उद्घाटन गरे।
माघ ५ गतेसम्म सञ्चालन हुने प्रतियोगितामा देवदह क्षेत्रका २७ वटा विद्यालयका आठ सय ४३ खेलाडीहरुले ४२ ईभेन्टमा प्रतिस्पर्धा गर्ने केरवानी माध्यमिक विद्यालयका प्रधानाध्यापक निर्मल ढुंगानाले जानकारी दिए।
प्रतियोगिता अन्तर्गत एथ्लेक्टिस तर्फ २६ ईभेन्ट, भलिवल र कवड्डी तर्फ तर्फ २ वटा ईभेन्ट, र कराँते तर्फ १२ वटा ईभेन्ट हुने ढुंगानाले जनाए । उद्घाटनसँगै गत बर्षको विजेता देवदह माध्यमिक विद्यालयले केरवानी माध्यमिक विद्यालयलाई रनिङ्ग शिल्ड हस्तान्तरण ग¥यो ।
प्रतियोगिताको उद्घाटन गर्दै प्रतिनिधि सभा सदस्य विश्वकर्माले खेलको माध्यमबाट राष्ट्रको पहिचान बनाउन सकिनेमा जोड दिए । पुर्वमन्त्री समेत रहेका सांसद विश्वकर्माले खेलाडीलाई प्रोत्साहन गर्न आवश्यक रहेको बताउदै राष्ट्रिपति रनिङ्ग शिल्ड प्रतियोगिताले सहयोग गर्ने बताए ।
‘खेलकुदको विकासका लागि खेलाडीलाई वातावरण संगै तालिमको आयोजना गर्न आवश्यक छ । पछिल्लो समय खेलकुदको महत्व बढ्दै गएको र नेपाली खेलाडीहरु अन्र्तराष्ट्रिय प्रतियोगितामा समेत सहभागि भई पदक जित्न सफल भएका छन् ।’ उनले भने, ‘खेलाडीहरु राष्ट्रिय गहना भएकोले विद्यालय स्तरबाट उत्पादीत खेलाडीको उचित संरक्षण गर्न स्थानीय तहले भूमिका खेल्नुपर्छ ।’
यसैगरी नगर प्रमुख धुर्वप्रसाद खरेलले खेलकुदको विकासको लागि देवदह नगरपालिकाले विभिन्न योजना अगाडि सारेको दावी गरे । उनले खेलकुदको विकासको लागि भौतिक पुर्वाधार निर्माणको लागि नगरपालिका लागिरहेको बताउँदै राष्ट्रिपति रनिङ्ग शिल्डले खेलाडी उत्पादनमा विशेष योगदान दिने बताए।
देवदह नगरपालिकाका उपप्रमुख विद्यालक्ष्मी गुरुङ्गको स्वागत र केरवानी माध्यमिक विद्यालयका शिक्षक यज्ञप्रसाद न्यौपानेको सञ्चालनमा भएको कार्यक्रममा विद्यार्थीहरुले मार्चपास समेत गरेका थिए ।
प्रतियोगिता अन्र्तगत पहिलो दिन विभिन्न खेलहरु सम्पन्न भएका छन् । छात्रा तर्फ भएको लङ्गजम्पमा जनता माविका आशा दगौरिया प्रथम, सगरमाथा आवासीय माविका रोशनी थापा द्धितिय, जनप्रिय माविका पूर्णिमा थारु तृतिय भएका छन् । सोही खेलको छात्र तर्फ प्रगति माविका पवन पासी प्रथम, कोलिय ईङलिस बोडिङ्गका प्रविन रञ्जितकार द्धितिय, र ग्रीन प्लान्ट आवासीय माविका अविरल सुनारले तृतिय स्थान हासिल गरे ।
यसैगरी छात्र सटफुट तर्फ भएको खेलमाा सगरमाथा आवासीय माविका अञ्जना विक प्रथम, देवदह बुद्ध पव्लिकका अनिस झेडी द्धितिय, जनप्रिय माविका रिम्स गौतम तृतिय भएका छन् । सोही खेलको छात्रा तर्फ भविष्य निर्माण माविका विना श्रीष प्रथम, सगरमाथा आवासीय माविका कृष्टि पौडेल द्धितिय र जनप्रिय माविका खिमा खत्रीले तृतिय स्थान हासिल गरे ।
त्यसैगरी १५ सय छात्रतर्फको दौडमा बुद्ध पव्लिक आवासीय माविका आशिष अग्रहरी प्रथम, मदर टङ्गस एकेडेमीका अरुणा विके द्धितिय र नारायणयी पव्लिकका सन्तराम पासीले तृतिय स्थान हासिल गरे ।
छात्रतर्फ भएको सोही खेलमा युगज्योति माविका आयुष्मा खत्री प्रथम, देवदह बुद्ध पव्लिकका सिम्रन पाण्डे द्धितिय र देवदह बोडिङ्ग स्कुलका संगीता थापा तृतिय भएका छन।
यस्तै भलिवल प्रतियोगिताको विभिन्न खेलहरु पनि बिहिवार सम्पन्न भएका छन् । छात्र तर्फ भएको भलिवल खेलमा एशियनलाईट बोडिङ्ग र देवदह बुद्ध पव्लिक दोश्रो चरणमा प्रवेश गरेका छन् । खेलमा देवदह बुद्ध पव्लिकले युगज्योति माविलाई सोझो सेटमा हराउदै दोश्रो चरणमा प्रवेश गर्यो ।
त्यस्तै एशिनलाई बोडिङ्ग स्कुलले देवदह मदरटङ्गस एकेडेमीलाई २–१, को सेटमा हराउदै दोश्रो चरणमा प्रवेश गरेको हो । छात्रा तर्फ भएको भलिवल प्रतियोगितामा सगरमाथा आवासीय मावि, कोलिय ईङलिस बोडिङ्ग स्कुल र सिता मावि दोश्रो चरणमा प्रवेश गरेको खेल संयोजक खेमानन्द ज्ञवालीले जानकारी दिए ।
