सुनवल।पश्चिम नवलपरासीको सुनवल नगरपालिका-१३, बडेऱास्थित ध्यान्याचल महायज्ञ माध्यमिक विद्यालयमा आधारभूत तह स्तरीय ७ ए साइड फुटबल प्रतियोगिता सुरु भएको छ।सुनवल नगर क्षेत्रभित्रका निजी तथा सामुदायिक गरी २२ वटा विद्यालयको सहभागिता रहेको आयोजकले जनाएको छ।
उद्घाटनको पहिलो दिनमा पाँच खेल सम्पन्न भएका छन्।पहिलो खेलमा आयोजक धान्याञ्चल माविले जनता आधारभूत विद्यालय हर्कट्टालाई ३-१ ले पराजित गर्दै शानदार जितेय।खेलभरि आक्रमणात्मक रणनीति अपनाएको धान्याञ्चलले निर्धारित समयमा सहज अन्तरको जित हात पार्यो।
दोस्रो खेलमा जगन्नाथ र रमापुरबीचको भिडन्त निर्धारित समयमा बराबरीमा रोकिएको थियो।पेनाल्टी सुटआउटमा रमापुरले उत्कृष्ट प्रदर्शन गर्दै जित आफ्नो पक्षमा ल्याउन सफल भयो।
तेस्रो खेलमा दि स्पाइन टोली उपस्थित नरहेकाले वाकवाणी माध्यमिक विद्यालय वाकओभरमार्फत् अर्को चरणमा प्रवेश गर्यो।
चौथो खेलमा मिलन बोर्डिङ स्कुल अनुपस्थित रहेकाले भगवती माध्यमिक विद्यालयले पनि वाकओभरमार्फत् सहज जित दर्ता गर्यो।
आजको अन्तिम अर्थात पाँचौँ खेलमा नवदुर्गा आधारभूत विद्यालय र जनज्योति आधारभूत विद्यालय आमनेसामने भए। प्रतिस्पर्धात्मक खेलमा जनज्योति आवीले नवदुर्गालाई १-० गोल अन्तरले पराजित गर्दै दोस्रो चरणमा स्थान सुरक्षित गर्यो।
प्रतियोगिताको उद्घाटन सत्र विद्यालय व्यवस्थापन समितिका अध्यक्ष सुर्यप्रसाद न्यौपानेको अध्यक्षतामा भएको कार्यक्रममा सुनवल नगरपालिका नगर प्रमुख बिमला अर्याल, सुनवल नगर प्रवक्ता एव वडा -१३ का वडा अध्यक्ष कृष्णप्रसाद बगाले,सुनवल शिक्षा शाखा अधिकृत पशुपति भट्टराई लगायतको उपस्थिति रहेको विद्यालयका प्राचार्य सन्तकुमार यादव जानकारी दिए। उद्घाटन कार्यक्रमको सञ्चालन रामराज श्रेष्ठले गरेका थिए।
