सुनवल।पश्चिम नवलपरासीको सुनवल नगरपालिका-५ हर्दियामा ९ “ए” साइड खुल्ला नकआउट फुटबल प्रतियोगिता आयोजना हुने भएको छ।सम्झना युवा क्लब हर्दियाको आयोजनामा आगामी कार्तिक २९ गतेदेखि फुटबल प्रतियोगिता सञ्चालन हुन लागेको हो।
स्थानिय खेलकूदको प्रवर्धन,युवालाई खेलकूदमा प्रोत्साहित गर्न र फुटबल क्षेत्रको विकासमा योगदान पुर्याउन लक्ष्य सहित प्रतियोगिता आयोजना गरिएको क्लबका अध्यक्ष खुशिमान गुरुङले बताए।
युवाहरूलाई सक्रिय बनाउन र फुटबलको स्तरलाई माथि उठाउनको लागि आयोजना गरिएको प्रतियोगितामा १६ वटा टिमको सहभागिता रहने खेल संयोजक डेबिड रोका क्षेत्रीले जानकारी दिए।
प्रतियोगिताको बिजेता टिमले ट्रफिसहित ५५ हजार ५ सय ५५ रुपैयाँ र उपविजेता टिमलाई ३३ हाजर ३ सय ३३ रुपैयाँको पुरस्कार प्राप्त गर्ने सुनिल गुरुङले जानकारी दिए।
साथै विभिन्न विधागततर्फ‘म्यान अफ द म्याच’,सर्वोत्कृष्ट खेलाडी,सर्वाधिक गोलकर्ता र उत्कृष्ट गोलरक्षकलाई आकर्षक पुरस्कार दिइने आयोजकले जनाएको छ।
