सुनवल।पश्चिम नवलपरासीको सुनवल नगरपालिका-११ भडरीमा पुरुष भलिबल प्रतियोगिता सुरु भएको छ।हरितालिका तिजको अवसरमा मामी सतिसावरिया भलिबल परिवारको आयोजनामा भडरीमा २५ औ गाउ स्तरीय नकआउट पुरुष भलिबल प्रतियोगिता गरिएको हो।
भलिबल प्रतियोगिताको उद्घाटन पुर्व मन्त्री तथा लुम्बिनी प्रदेश सभा सदस्य खड्ग वस्नेतले गरेका थिए।उद्घाटन गर्दै पुर्व मन्त्री वस्नेतले भलिबल खेलले व्यक्तिलाई स्वस्थ मात्र नभई अनुशासित बनाउने बताए। व्यक्तिलाई समाज तथा राष्ट्र प्रति उत्तरदायी बनाउन भूमिका खेल्नेमा विश्वास व्यक्त गरेका थिए। मामिसतिसबरीयाको बिकासको लागी सदैव सहयोग गर्ने प्रतिबद्दता व्यत समेत गरेका थिए । 
नवलपरासी र रुपन्देहीका २८ वटा टीमको सहभागीता रहेको प्रतियोगिता भदौ २२ गतेसम्म चल्ने आयोजकले जनाएको छ।
प्रतियोगितामा प्रथम हुने टिमले नगद ३१ हजार ५ सय ५५ सहित शिल्ड प्राप्त गर्नेछ।द्वितीय हुने टिमले नगद २० हजार ५ सय ५५ शिल्ड प्राप्त गर्दा तृतीय हुने टिमले नगद ११ हजार ५ सय ५५ र शिल्ड एवम् सान्त्वना हुने टिमले नगद ५ हजार ५ सय ५५ सहित शिल्ड, मेडल र प्रमाणपत्र प्राप्त गर्ने आयोजकले जनाएको छ।यस्तैगरी विभिन्न सात विधामा पनि खेलाडीहरूलाई पुरस्कृत गरिने आयोजकले जनाएको छ।
मामीसतिसवारिया भलिवल परिवारका अध्यक्ष नरेश यादवको अध्यक्षतामा भएको कार्यक्रममा वडा नम्बर ११ का अध्यक्ष कमल चूवाई,उद्योग वाणिज्य संघ नवलपरासीका कोषाध्याक्ष भोला पराजुलीलगायत बोलेका थिए।उद्घाटन कार्यक्रम मुक्ति बस्यालको स्वागत तथा दिपक रानाको संचालन रहेको थियो ।
