परासी।नेकपा(क्रान्तिकारी माओवादी)जिल्ला समिति नवलपरासी पश्चिममा जिम्मेवारी हेरफेर गरिएको छ।सो पार्टीको शुक्रवार भएको जिल्ला भेला पछिको दोस्रो पुर्ण बैठकले जिम्मेवारी हेरफेर गरेको हो।
जस अनुसार ६ सदस्सीय जिल्ला सचिवालय र ५ सदस्सीय जिल्ला सल्लाहकार समिति समेत गठन गरिएको जिल्ला सेक्रेटरी समरले जानकारी दिए।
क्रान्तिकारीले समर,बिबेक,क्रान्ति,न्युक्लियस, बसन्त र अनिल रहेको ६ सदस्सीय जिल्ला सचिवालय गठन गरेको हो।
बैठकले जनबर्गीय मोर्चा संगठनका फ्याक्सन ईञ्चार्ज र पालिका ईञ्चार्जहरु समेत तोकेको छ ।
जस अनुसार जनबर्गीय मोर्चा संगठनमा न्युक्लियस र क्रान्तिकारी संयुक्त मोर्चामा बिबेकलाई जिम्मेवारी दिइएको छ भने बर्दघाटमा क्रान्ति,सुनवलमा बसन्त र प्रतापपुर र सुस्ता ईञ्चार्जमा अनिल रहेका छन।
रामग्राम,सरावल र पाल्हीनन्दन मा भने जिल्ला कार्यालयबाट समन्वय गर्ने निर्णय गरेको छ।
बैठकले नेकपा(बहुमत)संग भएको पार्टी एकता घोषणालाई स्वागत गर्दै क्रान्तिकारी धुब्रीकरणलाई तीब्र बनाउनुपर्ने जोड दिएको जिल्ला ईञ्चार्ज संकल्पले जानकारी गराए।
