सुनवल।नेपाली समाजमा उपभोत्तावादी संस्कृतिको विकास हुदै गइरहेको लुम्वीनी प्रदेशका स्वास्थ्य मन्त्री इन्द्रजित थारुले बताउनुभयो।नेपाल रेडक्रस सोसाइटी लुम्विीनी प्रदेशको दोस्रो अधिवेशनलाई सम्वोधन गर्दै मन्त्रि थारुले काम नगरि मुनाफा कमाउने उपभोक्तावादी संस्कार संकृतिले सिंगो समाज लाईनै रोगी बनाएका बताउनुभयो।जसले गर्दा राज्यमाथि भार थपिदै गइरहेको मन्त्रि थारुको भनाई छ।
पश्चिम नवलपरासीको सुनवल स्थित होटल ओरियनमा पश्चिम नवलपरासी शाखाको आतिथ्यतामा नेपाल रेडक्रस सोसाइटी लुम्विनी प्रदेशको दोस्रो अधिवेशन गरिएको हो।
अधिवेशनले लाल प्रसाद पंगेनी(रुपन्देही)को अध्यक्षतामा १२ सदस्य कार्यसमिति चयन गरेको छ । जसको उपाध्यक्षमा राधा नेपाली(अर्घाखाँचि),महासचिवमा नमराज ढुङगाना(वर्दिया),उपमहासचिवमा राजकुमार कुर्मि(वाँके),कोषाध्यक्षमा हैदर अलि मोमिन(पश्चिम नवलपरासी),उपकोषाध्यक्षमा ज्ञानहरी रिजाल(प्युठान),चयन गरेको छ।त्यस्तै सदस्यहरुमा भगवानदास चौधरी(कपिलवस्तु),दामोदर गौतम(रुकुम पुर्व),नारायण आर्चाय(दाङ),कैलाश कुमार श्रेष्ठ (अर्घाखाँचि),महिला सदस्यमा मायादेवी बर्जचार्य (पाल्पा),राधा पंन्थी(गुल्मी)चयन हुनु भएको छ।
अरु सवै सर्वसम्मत भएपनि महासचिव पदमा चुनाव नै भएको थियो।जम्मा मतदाता संख्या ५१ मध्ये ४२ मत खसेकोमा १ मत वदर भैइ महासचिवमा नमराज ढुङगानाले २८ मत प्राप्त गरि विजयी हुनुभएको हो भने उहाँको प्रतिद्धन्दी नौलसिङ पुन (रोल्पा)ले १३ मत प्राप्त गर्नुभएको थियो।
पश्चिम नवलपरासी शाखाका अध्यक्ष राजेन्द्र प्रसाद अग्रहरीको अध्यक्षतामा भएको प्रदेशको दोस्रो अधिवेशनको उद्द्घाटन शत्रमा पश्चिम नवलपरासीका जिल्ला समन्वय समितिका प्रमुख भगौति यादव(रुदल),प्रतापुर गाँउपालिकाका अध्यक्ष उमेशचन्द्र यादव,सरावल गाँउपालिकाका अध्यक्ष सुखाडि प्रसाद चौधरी,प्रमुख जिल्ला अधिकारी श्रवण कुमार मिश्र लगाएतले रेडक्रसलाई मानवताको आन्दोलन संग जोड्नु पर्नेमा जोड दिनुभएको थियो।
