सुनवल।लामखुट्टेको टोकाइबाट सर्ने डेंगु रोगको जोखिम बढेपछी सुनवलमा लार्भा नष्टगर्ने अभियान सुरु भएको छ।
नवलपरासीको सुनवलमा लामखुट्टेको”लार्भा खोज र नष्ट गर”अभियान सुरु गरिएको हो।
सुनवल नगरपालिकाले नगर स्वास्थ्य शाखामार्फत डेङ्गु रोग नियन्त्रणका लागि अभिमुखीकरण कार्यक्रम सञ्चालन गरेर लामखुट्टेको बासस्थान खोजगरी लार्भा नष्ट गर्ने अभियान सुनवलका १३ वटै वडामा टोलि परिचालन गरिएको सुनवल स्वास्थ्य शाखा उपप्रमुख चुरामणि नेपालाले जानकारी दिए।
नगरप्रमुख बिमला अर्याल सहितको टोलि सुनवल चोक मा र वडामा भने वडा अध्यक्षको नेतृत्व सहित नगरका स्वास्थ्य शाखाका कर्मचारी र नगर स्वास्थ्य स्वयंसेविकाको टोली,जनप्रतिनिधि,उद्योग वाणिज्य संघ सुनवल,पत्रकार लगायतको उपस्थितिमा लामखुट्टेको बासस्थान खोजी गरी लार्भा नष्ट गर्ने कामको अभियान सुरु गरिएको थियो।
डेंगु भाइरसको संक्रमण रोकथाम तथा नियन्त्रणका लागि लार्भा खोज र नस्ट गार अभियान इन्द्रेणी सामाजिक विकास मन्च र फेयरमेड फाउन्डेसको साझेदारीमा संचालित आधारभुत स्वास्थ्य परियोजनाको आर्थिक तथा प्राविधिक सहयोगमा अभियान संचालन गरीएको हो।यस अभियानलाई अझ प्रभावकारी रुपमा संचालन गरिने आधारभूत स्वास्थ्य परियोजनाका बसन्त सापकोटाले जानकारी दिए।
चिकित्सकका अनुसार डेंगु रोग डेंगु भाइरसबाट संक्रमित एडिज जातको लामखुट्टेको टोकाइबाट मात्र सर्दछ। थोरै मात्र पानी जम्मा भएको भाँडामा पनि यो लामखुट्टेले फुल पार्दछ र यसको वृद्धि विकास हुन्छ।
