सुनवल।देशभर प्रभाव पारेको डेङ्गु रोग नियन्त्रण र रोकथामका लागि ढिलै भएपनी सुनवलमा नगरस्तरीय डेङ्गु ज्वरो रोगथाम र नियन्त्रण सम्बन्धि अभिमुखिकरण,अन्तरक्रिया तथा छलफल कार्यक्रम सम्पन्न भएको छ।
फेयरमेड फाउन्डेसन नेपाल र इन्द्रेणी सामाजिक बिकास मन्चको साझेदारी संचालित आधारभुत स्वास्थ्य परियोजनाको आर्थिक तथा प्राविधिक सहयोगमा सुनवल नगरपालिका भित्रका स्वास्थ्यसस्थामा आबद्ध स्वास्थ्यकर्मी,वडाअध्यक्ष,कार्यपालिका सदस्य लगायतलाई डेङ्गु रोग नियन्त्रण तथा रोकथामका लागि अभिमुखिकरण कार्यक्रम गरिएको सुनवल स्वास्थ्य शाखा उपप्रमुख एवं कार्यक्रमका सहजकर्ता चुरामणी नेपालले जानकारी दिनुभयो।
सो अवसरमा कार्यक्रमका अध्यक्ष एव सुनवल नगर प्रमुख विमला अर्यालले नगरका जनप्रतिनिधि,स्वास्थ्य कर्मी,क्लब,संघ सस्था सहित स्थानीयको सहभागीतामा नियन्त्रण टोलि बनाएर प्रत्येक टोल टोलमा डेङ्गु रोग फैलाउने लामखुट्टेको लार्भा खोज र नष्ट गर अभियानमा सहयोग गर्न नगरबासिलाई आग्रह गर्नुभयो।
अर्यालले समृद्ध सुनवल स्वस्थ सुनवल बासी भन्ने नारालाई सार्थक बनाउन यो प्रयास गरिएको बताउनु भयो।हाल नेपालमा ७० भन्दा बढी जिल्लामा डेङ्गु रोग फैलिएको र मृत्युदर समेत बढ्दै गएको अवस्थामा सबै सचेत भएर उचित कदम चाल्नुपर्ने उहाको भनाइ थियो।
नवलपरासी जिल्लाको हकमा हालसम्म डेङ्गुका ४० भन्दा बढी बिरामी रहेको र सुनवल नगरपालिकामा १५ जना भन्दा माथि डेङ्गुका रोगी रहेको कार्यक्रमका सहजकर्ता एवं स्वास्थ्य कार्यलय नवलपरासीका मलेरिया इन्स्पेक्टर देवीलाल पौडेलले बताउनु भयो।
डेङ्गु रोग लागेमा एक्कासी उच्च ज्वरो आउने,मांसपेशी टाउको तथा जोर्निहरु दुख्ने,थकान महसुस हुने,वान्ता हुने जस्ता लक्षणहरु देखिएमा डेङ्गु रोगको संक्रमण हुन् सक्छ यसबाट बच्नका लागि लामखुट्टे टोकाइबाट बच्नु नै हो,जसका लागि झुल भित्र सुत्ने,पूरा बाउला भएको कपडा लगाउने,आफ्नो घर वरिपरि रहेका खाल्डाखुल्डीमा पानी जम्न नदिने लगायतका रहेका छन।
यसैबीच सुनवल नगरपालिकाले भदौ २९ गते बुधबारबाट नगरभरी एकै चरणमा लामखुट्टेका लार्भा खोज र नस्ट गर अभियान सचालण गर्ने स्वास्थ्य शाखा उपप्रमुख चुरामणी नेपालले जानकारी दिनुभयो।
सुनवल नगरप्रवक्ता एवं वडा-१३ का वडा अध्यक्ष कृष्ण प्रसाद बगालेको स्वागत मन्तव्य रहेको कार्यक्रममा सुनवल नगरपालिका वडा-७ का वडाअध्यक्ष नारायण आचार्य,इन्देर्णी सामाजिक बिकास मन्चका उपाध्यक्ष सावित्रा पौडेल,आधारभुत स्वास्थ्य परियोजनाका अधिकृत किरण श्रेष्ठ लगायतले आ-आफ्नो धारणा राख्नु भएको थियो।
