कपिलवस्तु।नेपाल कम्युनिस्ट पार्टीले स्थानीय निर्वाचन सहित संसदीय व्यवस्थाको निर्वाचनमा जाने अनगर्ल प्रचार भएको जनाएको छ ।
नेकपाको केन्द्रिय कार्यालय अनुसार पार्टीले निर्णय नै नगरी स्थानीय लगायत संसदीय व्यवस्थाको चुनावमा पार्टीले भाग लिने भन्दै चलाइएका हल्ला अनर्गल प्रचार मात्र रहेको बताएको छ ।
नेपाल कम्युनिस्ट पार्टीको श्रोत अनुसार केन्द्रीय समितिको बैठक भोलि शुक्रबार देखि कपिलवस्तु शिवगढीस्थित आफ्नै कार्यालयमा बस्दैछ।
पार्टी केन्द्रीय कार्यालय बैठकको तयारी पूरा भइसकेको छ भने पार्टी केन्द्रीय सदस्यहरू उपस्थित भइसकेका छन् । आफ्नै केन्द्रीय कार्यालयमा पहिलोपटक नेकपा केन्द्रीय समिति बैठक बस्न लागेको हो ।
केन्द्रीय कार्यालयका अनुसार केन्द्रीय समिति बैठकमा राष्ट्रघाती एमसीसी,संसद्वादी चार पार्टीको गठबन्धन सरकारले घोषणा गरेको संसदीय व्यवस्थाको स्थानीय निकायको निर्वाचनबारे पार्टी धारणालगायत राष्ट्रिय/अन्तर्राष्ट्रिय विषयमा बैठकमा गहन छलफल गरी आगामी कार्यक्रम तय गर्ने योजना भएको बताए।।
पार्टी केन्द्रीय कार्यालयले पार्टीले निर्णयनै नगरी स्थानीयलगायत संसदीय व्यवस्थाको चुनावमा पार्टीले भाग लिने भन्दै चलाइएका हल्ला अनर्गल प्रचार मात्र रहेको पनि प्रष्ट पारेको छ।यसप्रकारका हल्लाको भ्रममा नपर्न पनि पार्टीले आह्वान् गरेको छ ।
