मणिग्राम।रूपन्देहीको मणिग्राम शंकरपुरस्थित किण्डरवल्र्ड मण्टेश्वरी स्कुलमा सोमबार निःशुल्क आँखा जाँच शिविर सम्पन्न भएको छ।
श्रीकृष्ण नेत्रालय, बुटवल शाखाको प्राविधिक सहयोगमा सञ्चालित उक्त शिविरमा स्कुलका ६७ जना विद्यार्थी र ११ जना शिक्षक तथा कर्मचारीको आँखा परीक्षण गरिएको विद्यालयका प्रिन्सिपल सुधा खतिवडा पौख्रेलले जानकारी दिइन। परीक्षण गरिएका विद्यार्थीमध्ये ७ जनालाई थप उपचारका लागि रेफर गरिएको छ।
शिविरमा श्रीकृष्ण नेत्रालयबाट दृष्टि विशेषज्ञ शुभेक्षा भट्टराई र नेत्र सहायक सुनीता सोमैले सेवा दिएकि थिइन।
कार्यक्रममा स्कुलका संस्थापक केशव पाठक, अध्यक्ष मुक्तिनाथ गैह्रे र निर्देशक सुवर्णा पाण्डेय लगायतको उपस्थिति रहेको थियो।
