सुनवल।सुनवलमा जारी आठौं मेयर कप फुटबल प्रतियोगितामा वडा नम्बर २ ले बिजयी सुरुवात गरेको छ।प्रतियोगिताको छैठौं दिनको खेलमा वडा नं. २ ले वडा नं. ९ लाई शुन्यका बिरुद्द १ गोल अन्तरले पराजित गर्दै क्वाटरफाईनलमा प्रवेश गरेको हो। आजको प्रतियोगिता सगै क्वाटरफाइनलको समीकरण पुरा भएको छ।
खेलको निर्णायक गोलकर्ता वडा नम्बर २ का अमन मगर खेलको म्यान अफ द म्याच घोषित भए।वडा नं. २ को अर्को खेल आगामी वैशाख २९ गते सोमबार आयोजक टिम सुनवल–७ विरुद्ध हुने आयोजक समितिका अध्यक्ष प्रकाश बारघरेले जानकारी दिए।
यसैबीच प्रतियोगिता पहिलो भोलि आइतबार क्वाटरफाइनल खेल वडा नं. १० र वडा नं.१३ बीच हुने उपभोक्ता समिति सचिव खडक रानाले जानकारी दिए।
३० गते वडा नम्बर १२ र ३ बीच हुनेछ भने वडा नम्बर ६ र ८ बीचरोमान्चक प्रतिपर्धा हुनेछ। सुनवल नगरपालिका–७ गणेश बस्तीमा जारी प्रतियोगितामा नगरका १३ वटा वडा र आयोजक टिमसहित कुल १४ टिमको सहभागिता रहेको प्रतियोगिता यही जेठ ४ गतेसम्म सञ्चालन हुनेछ।
विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ। सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन् ।
त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।
