सुनवल।सुनवल नगरपालिका-७ गणेश बस्तीमा जारि आठौं नगरस्तरीय मेयर कप फुटबल प्रतियोगिता वडा नम्बर ८ विजयी भएको छ।प्रतियोगिताको दोस्रो दिनको खेलमा बीच निर्धारित समयमा वडा नम्बर ८ र १ सँग १-१ को बराबरीमा रोकिएको थियो।
ट्राइब्रेकर (पेनाल्टी सुटआउट) मा वडा नम्बर ८ ले वडा नम्बर १ लाई ३ का बिरुद्द ४ गोल गर्दै जित हात पारेको मेयर कप सञ्चालन तथा व्यवस्थापन समितिका सचिव खड्ग रानाले जानकारी दिए।
आजको खेलमा वडा नम्बर ८ का सन्देश गुरुङ ‘म्यान अफ द म्याच’ घोषित भएका छन्।
प्रतियोगितामा नगरका १३ वटा वडा र आयोजक टिमसहित जम्मा १४ टिमको सहभागिता रहेको छ। प्रतियोगिता जेठ ४ गतेसम्म सञ्चालन हुनेछ।
प्रतियोगिताको विजेता टिमले नगद १ लाख ५५ हजार रुपैयाँ, उपविजेता टिमले ९० हजार रुपैयाँसहित शिल्ड, मेडल र प्रमाणपत्र प्राप्त गर्नेछ। त्यसैगरि सेमिफाइनलमा पुग्ने दुई टिमले जनही २५ हजार रुपैयाँ पुरस्कार प्राप्त गर्नेछन्। विधागत तर्फ उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कार प्रदान गरिने आयोजक समितिले जनाएको छ।
