परासी । बिभिन्न सरकारी कार्यालयको नक्कली स्टाम्प छाप घरमै राखेर कृते कागजात गराउने एकजनालाई पश्चिम नवलपरासी प्रहरीले पक्राउ गरेको छ । बर्दघाट -१४ गगाबस्ती शिवनारायण सिहलाई सरकारी कागज तथा छाप कृते गरेको अभियोगमा पक्राउ गरेको हो।
प्रहरीका अनुसार तान्त्रिक विद्या सिकाउने र झारफूक समेत गर्ने सिंहले घर कृते कागजात गराउने सुचनाको आधारमा घरमा खानतलासी गर्दा निज स्वयमको मृत्यु प्रमाणीत कागज,रोहिणी गाउँपालिका ४ नं. वडा कार्यालय छिपागढ रुपन्देहीको रवर स्ट्याम्प (छाप), वडाध्यक्षको रवर स्ट्याम्प (छाप) थान,स्वयम् सिंह नामको सदगद पुर्जी,नागरिकताको फोटोकपी लगायत कागजात बरामद गरेको प्रहरीको भनाई छ।
सरकारी कागजात किर्ते गरेको सन्दर्भमा जिल्ला अदालत नवलपरासीबाट म्याद थप गराई अनुसन्धान सुरु गरिएको जिल्ला प्रहरी कार्यालय पश्चिम नवलपरासीका सुचना अधिकारी सुदर्शन पन्थीले जानकारी दिनुभयो।
