बर्दघाट।नेपाल निवृत्त शिक्षक समाज नवलपरासीको प्रथम जिल्ला अधिवेशन बर्दघाटमा सम्पन्न भएको छ । समाजका अध्यक्ष हुमनाथ आचार्यको अध्यक्षता तथा बर्दघाट नगरपालिकाका नगर प्रमुख शम्भुलाल श्रेष्ठको प्रमुख आतिथ्यतामा सम्पन्न भएको हो ।
अधिवेशनलाई सम्बोधन गर्दै नगर प्रमुख श्रेष्ठले शिक्षकले राष्ट्रको गहाना भएकोले राज्यले विशेष सम्मान गर्नुपर्ने बताए।निवृत्त शिक्षक सभ्य समाज निर्माणमा अतुलनीय भूमिका खेल्नेमा विश्वाश व्यक्त गरेका थिए।
त्यस्तै नेपाल निवृत शिक्षक केन्द्रीय उपाध्यक्षले निवृत शिक्षकलाई राज्यले उपेक्षा गरेको बताए । उनले निवृत शिक्षकहरु एक हुनुपर्ने बताए । कार्यक्रममा विधालय व्यवस्थापन समित्ति संजालका लुम्बिनी प्रदेश उपाध्यक्ष सुर्य प्रसाद न्यौपाने, निवृत शिक्षक समाज नवलपुर अध्यक्ष भागवत गौतम,नेपाल शिक्षक महासघ नवलपरासी सचिव कृष्ण प्रसाद अधिकारि, निवृत शिक्षक समाज सल्लाहकार रामचन्द्र अधिकारि लगायतले सुभकामना मन्तव्य व्यक्त गरेका थिए ।
अधिवेशनको अवसरमा ७० वर्ष माथिका २२ जना जेष्ठ निवृत्त शिक्षक र ७५ जनालाई आजिव सदस्यलाई दोसल्ला प्रमाणपत्र सहित सम्मान गरेको जिल्ला सचीव तिलक पौडेलले जानकारी दिए ।
प्रथम जिल्ला अधिवेशनले हुमनाथ आचार्यको अध्यक्षतामा १८ सदस्यीय नयाँ कार्यसमिति चयन गरेको छ । जसको उपाध्यक्षमा कृष्ण प्रसाद पाण्डेय,महिला उपाध्यक्षमा मनमाया गुरुङ,सचिवमा तिलक प्रसाद पौडेयल,कोषाध्यक्षमा ज्ञान प्रसाद भट्टराई चयन भएका छन।
सदस्यहरु क्रमश: नैन कला गैरे ,भूप नारायण चौधरी,मोति प्रसाद चौधरी, पिताम्बर पौडेल , किशोरलाल गुप्ता, जीवन प्रसाद यादव, श्रीधर भट्टराई, डिल्लीराज ज्ञावाली, चक्रपाणि पाण्डे,तिलाधर पौडेल, बासुदेव अधिकारि ,च्रक्रपानी भण्डारी चयन भएका हुन।
