गोपीकृष्ण रेग्मी चैत्र,२ स्याङ्जा स्याङ्जाको वालिङ नगरपालिका वडा न.७ मा रहेको बाल सिद्ध मावी केवरेमा शिक्षण पेसामा आवद्ध शिक्षिका कमला सिग्देलको सामाजिक बिषय वस्तुमा आधारित गीति एल्बम मुना सार्वजनिक भएको छ ।
सामाजिक विषयवस्तुमा आधारित गीति एल्बम ‘मुना’ ले अति नैं रोचक ढंगबाट समाजको दर्पणछायाँ उतार्न सफल भएको छ । ‘मुना’ एउटा यस्तो गीति कथा हो जहाँ हजारौ चेलीहरुको दुःख पीडालाई चित्रण गरिएको छ । यहाँ यस्ता हजारौं विदेशिएका युवाहरु छन् केही युवाहरु आफ्नो उद्देश्य पूरा गरी घर फर्कन्छन्, केही बाकसमा फर्कन्छन् भने केही विदेशमै बेपत्ता भएका छन् । समाजका यिनै घटनाक्रमलाई यथार्थ ढङ्गले देखाइएको छ मुनामा । घरको चुहिएको छानो टाल्ने, बिहान बेलुकाको मानो टार्ने जस्ता सामान्य सपनालाई ब्यँुताउने कोशिसमा विदेशिएका युवाहरुले भोग्नुपरेको दुरावस्थालाई गीतको माध्यमबाट उजागर गर्ने कोशिस गरिएको छ । दुर्गम गाउँमा हुर्किएकी चेली, विदेशिन बाध्य उनका पिता र अभावै अभावको एक्लो जीवनमा खेप्नुपरेको उनको आमाको पीडासहितको जीवन वृत्तान्तलाई म्युजिक भिडियो मार्फत प्रस्तुत गरिएको छ ।
यो गीत युट्युव च्यानल जोजस क्रियशन प्रा.लि. बाट सार्वजनिक भएको हो । गीतमा कमला अधिकारीकै शब्द तथा लय रहेको छ । गणेश अधिकारी, पुष्पा न्यौपाने र अंशु खनालद्वारा अभिनित म्युजिक भिडियोमा स्वामी ध्यान गगनको कथा तथा परिकल्पनालाई विष्णु भट्टराईले निर्देशन गरेका छन् । शिक्षण पेशामा आवद्ध कमला अधिकारी गायन सँगै लेखन कार्यमा पनि सक्रिय हुनुहुन्छ। उहाँको यस गीति कथामा आधारित पुस्तक मुना पनि छिट्टै बजारमा आउँदैछ ।
गायिका अधिकारीले हामीसँगको भेटमा भन्नुभयो “मेरो यो पहिलो प्रयास हो । सानै हुँदादेखिको सपना पुरा भएकोमा निक्कै खुसी लागेको छ ।” अग्रजहरुको मार्गदर्शनबाट नै गायन क्षेत्रमा लाग्ने प्रेरणा मिलेको बताउदै अधिकारीले थप्नुभयो “जसरी शिक्षाले बुद्धिको विकास गर्छ त्यसरी नै कलाले हृदयको विकास गर्छ । त्यसैले म बुद्धि र हृदय दुवैलाई संगसंगै विकासको गतिमा अगाडी बढाउने योजना अनुसार यस क्षेत्रमा लागें ।”उहाँको भनाइ छ ।म्युजिकभिडियो :
-
- https://youtu.be/ZNFQoRMl2Dc
