इन्द्र भगवानको पुजाआराधना गरि आज इन्द्रजात्रा मनाइदै

English English Nepali Nepali

काठमाडौँ।इन्द्र भगवानको पूजाआराधना गरी शुक्रबार इन्द्रजात्रा मनाइँदैछ।प्रत्येक वर्ष भाद्रशुक्ल चतुर्दशीका दिन पर्ने यो पर्व काठमाडौँ,ललितपुर,भक्तपुर,धुलिखेल,दोलखालगायत स्थानमा मनाइन्छ।

भाद्रशुक्ल द्वादशीका दिन हनुमानढोका अगाडि धार्मिक विधिपूर्वक इन्द्रध्वजा सहितको लिंगो उठाएपछि प्रारम्भ हुने यो जात्रा विभिन्न प्रकारका नाचगान,रथयात्रा र देवीदेवताको पूजाआजा गरी आठ दिनसम्म मनाउने प्रचलन छ।भाद्रशुक्ल द्वादशीका दिन लिंगो ठड्याउने प्रक्रियालाई इन्द्रध्वजोत्थान भनिन्छ।लिंगो फेदमा भैरवको पूजा गरिन्छ।शत्रु पराजय भएपछि विजय मनाउने पर्वका रुपमा इन्द्रजात्रा मनाउने गरिएको हो।

यसअघि तान्त्रिक विधिद्वारा पूजा गरी भक्तपुरको चितपोल जंगलमा छोडिएको बोकाले छोएको रूख भाद्र शुक्ल द्वितीयामा काटिन्छ।काटेपछि लिंगोलाई उपत्यका भित्र्याउन पनि साइत हेरिन्छ।उपत्यका भित्र्याएपछि एक रात भोटाहिटीमा राखी एकादशीका दिन विधिपूर्वक इन्द्रध्वजाको लिंगो तयार पारिन्छ।

आजको दिन मुख्यरूपमा मनाइने इन्द्रजात्रा पर्वमा राष्ट्रपतिबाट हनुमानढोकास्थित गद्दी बैठकमा जीवित देवीका रूपमा रहेका गणेश,भैरव र कुमारीको रथयात्रा अवलोकन गर्ने परम्परा छ।

इन्द्रध्वजाको लिंगो ठड्याएपछि सुरु भएको जात्राभरि भक्कुनाच,महाकालीनाच,लाखेनाच,दशअवतार तथा देवराज इन्द्रको वाहन ऐरावत हात्तीको प्रतीकका रूपमा पुलुकिसी नाच नचाइन्छ।

यो समाचार पढेर तपाईलाई कस्तो लाग्यो ?