परासी।पश्चिम नवलपरासीको पाल्हिनन्दन गाउँपालिका वार्ड नं ०३ अवस्थित सिद्धार्थ माध्यमिक विद्यालय कुश्माका स्रोत कक्षाका विधार्थीहरुलाई दैनिक आवश्यक सामग्री वितरण गरिएको छ।
नेपाल स्वास्थ्य प्राविधिक संघको ४४ औं स्थापना दिवशको अवसरमा नेपाल स्वास्थ्य प्राविधिक संघ नवलपरासीको आयोजनामा एक कार्यक्रम बीच वितरण गरिएको छ।
नेपाल स्वास्थ्य प्राविधिक संघ नवलपरासीका अध्यक्ष बलराम सापकोटाको अध्यक्षता तथा पाल्हिनन्दन गाउँपालिका का अध्यक्ष बैजू प्रसाद गुप्ता (दीपक) को प्रमूख आथित्यतामा सम्पन्न भएको छ।
कार्यक्रममा बोल्दै प्रमुख अतिथि गुप्ताले शिक्षा मानव जीवनको आधारभूत आवश्यकता रहेकोले सबै वर्गले शिक्षा आर्जन गर्न पाउने पर्ने जिकिर गर्दै पालिकाबाट हुन सक्ने फरक क्षमताका विद्यार्थीको लागि आवश्यक सहयोग गर्ने बताउनु भएको छ।
कार्यक्रममा नेपाल स्वास्थ्य प्राविधिक संघ नवलपरासीका उपाध्यक्ष तथा केन्द्रिय पार्षद गुड्डु गुप्ता,सिद्धार्थ माध्यमिक विद्यालयका बिद्यालय व्यवस्थापन समितिका अध्यक्ष उमेशमणि हरिजन,रामचन्द्र पौडेल,श्रोत शिक्षक सन्तराज यादव लगायतले शुभकामना मन्तव्य राखेका थिए भने कार्यक्रममा सिद्धार्थ माध्यमिक विद्यालयका प्रधानध्यापक रवीन्द्र शर्मा,नेपाल स्वास्थ्य प्राविधिक संघ नवलपरासीका सचिव चुरामणि नेपाल,नेपाल स्वास्थ्य प्राविधिक संघ नवलपरासीका कोषाध्यक्ष नरेन्द्र भट्टराई,समाजसेवि पशुपति गुप्ता,राकेश कुर्मी लगायतको उपस्थिती रहेको थियो।
दैनिक आवश्यक सामग्रीमा कलम,कापी ,फलफूल,युथ पेस्ट,साबुन ,नेल कटर लगायतका समानहरु रहेका छन्।
