सैनामैना ।सैनामैना क्षेत्रको अब्बल शैक्षिकसंस्थाको रुपमा परिचित बुद्ध इङलिस स्कुलले नतिजा प्रकाशन तथा पुरस्कार वितरण कार्यक्रम सम्पन्न भएको छ।
सैनामैना-७ देवपारमा अवस्थित विद्यालयले विद्यार्थीहरुको वार्षिक नतिजा प्रकाशन सङ्गै विद्यालयमा हरेक शुक्रवार हुने अतिरिक्त कृयाकलाप एवम् केही समय अघि विद्यालयमा साता व्यापी रुपमा सञ्चालित खेल सप्ताहका उत्कृष्ट विद्यार्थीहरुलाइ आज एक कार्यक्रमका विच सम्मान एवम पुरस्कार प्रदान गरेको हो ।
कार्यक्रमका वक्ताहरुले विद्यार्थीहरुको उन्नयन शिक्षक शिक्षिकाहरुले मिहिनेत गरेर मात्र नहुने भन्दै अभिभावकहरु पनि चनाखो हुनुपर्ने बताउनुभएको थियो । कार्यक्रममा विद्यार्थीहरुले बक्तृता एवम संस्कृतिक नृत्य प्रस्तुत गरेका थिए ।
कार्यक्रम विद्यालय व्यवस्थापन समितिका अध्यक्ष चेतनारायण न्याैपानेको आतिथ्यता पुर्व व्यवस्थापन समिति अध्यक्ष एवम वर्तमान प्रमुख सल्लाहकार ऋषिराम पाण्डेको प्रमुख आतिथ्यता , विद्यालयका प्राचार्य धर्मराज घिमिरे,सेयर सदस्य लेखनाथ गैरे तगायतको आतिथ्यतामा भएको हो भने सह-प्राचार्य शुकदेव ज्ञवालीको स्वागत एवम् शिक्षक संयोजक प्रकाश अर्यालको सञ्चालनमा कार्यक्रम सम्पन्न भएको हो ।
