सुनवल नगर प्रमुखमा २६ बर्षिय रामजी बाबूको उम्मेदवारी दर्ता

English English Nepali Nepali

सुनवल।सुनवल नगरपालिकाका नगर प्रमुखमा विवेकशिल साझा पार्टीबाट २६ बर्षिय युवा व्यवसायी रामजी बाबुले उम्मेद्बारी मनोनयन दर्ता गरेका छन ।

सुनवल नगरपालिकाका कान्छा नगर प्रमुखमा रुपमा उम्मेद्बारी दिए पछि उनले भने”हार्नका लागि त म पनि कहाँ उठ्छु र ?जनताले हराए भने चाहिं,अब ५ वर्षसम्म जनता आफ्नै गल्तीले गर्दा पछुताएर बसेको हेर्नलाई चाहिँ उठेको हो।”

विवकेशील साझा पार्टीले सुनवल नगरपालिकामा मेयरमा मात्र उम्मेद्बारी दिएको बताउदै आफूलाई युवाहरु र नयाँ पुस्ताको साथ रहेको बताए।

नगरमा आमूल परिवर्तनका लागि युवाले पुरानो पुस्तालाई विदाई गरेर नयाँ पुस्तालाई नेतृत्वमा ल्याउनको लागि उम्मेदवारी दर्ता गराएको विवेकशिल साझा बताउंछ।

विज्ञहरुसँग छलफल गरेर,गर्न सक्ने र बजेटले भ्याउने कामहरुकाे मात्र घाेषणापत्र तयार गरिएकाले आफ्नाे घाेषणापत्र आउन केही ढिलाे भएकाे र अब १/२ दिनमा सार्वजनिक गरिने तथा आफुले पार्टीले दिएकाे घाेषणापत्र नभई आफ्नै गाउंठाउंका समस्या पहिचान गरेर,त्यसकाे सामाधान सहितकाे घाेषणापत्र तयार गरेकाले ती कुरा शतप्रतिशत पुरा गर्ने र त्यसका लागि कुनै बाहना नबनाउने उनले बताए।

उनका अनुसार,सुनवललाई कृषीमैत्री र युवा स्वराेजगार बनाउनमा मुख्य जाेड दिईएकाे छ।

यो समाचार पढेर तपाईलाई कस्तो लाग्यो ?