मूल्यवृद्धि बिरुद्द नवलपुरका तीन ठाउँमा नेकपाको मसाल जुलुस »

कार्तिक २६, नवलपुर। विप्लव नेतृत्वको नेकपाले पेट्रोलियम पदार्थ तथा दैनिक उपभोग्य बस्तुमा भएको मूल्यवृद्धि बिरुद्ध नवलपुरमा बिरोध प्रदर्शन गरेको छ।

पार्टीको केन्द्रीय कार्यक्रम अन्तर्गत जिल्लाको देवचुली नगरपालिका, मध्यविन्दु नगरपालिका र विनयत्रिवेणी गाउँपालीकामा मसाल जुलुस बालेर बिरोध प्रदर्शन गरेको छ।

पेट्रोलियम पदार्थको मूल्यवृद्धि फिर्ता गर्, दलाल सरकार मुर्दावाद, एकीकृत जनक्रान्ति जिन्दावाद, नेपाल कम्युनिस्ट पार्टी जिन्दावाद , ३० गतेको नेपाल बन्द सफल पारौँ लगायतका नारा लगाउँदै पुर्व पश्चिम राजमार्गमा सवारी ठप्प पार्दै मसाल जुलुस बालीएको बुझिएको छ।