रमेश प्याकुरेल २७ साउन बर्दिया। अखिल क्रान्तिकारी बर्दियाले शिक्षा विकास तथा समन्वय इकाई बर्दियामा तालाबन्दी गरेको छ। पहिलो चरणमा मागपत्र बुझाएको क्रान्तिकारीले दोस्रो चरणमामा जिल्ला शिक्षा कार्यलयमा तालाबन्दी गरेको हो ।
क्रान्तिकारी शिक्षक नियुक्ति र सरुवामा आर्थिक चलखेल रोकिनुपर्ने,अनलाइन कक्षा र अङ्ग्रेजी माध्यमका नाममा गरिएको पैसा असुली नियन्त्रण गरिनुपर्ने,निजि विद्यालयका निजि स्रोतमा काम गरिरहेका शिक्षक कर्मचारीमाथीको आर्थिक शोषण रोकिनुपर्ने लगायतको माग राखेर ज्ञापनपत्र बुझाएको क्रान्तिकारी माग सम्बोधन गर्न कुनै पहल नगरेको र शैक्षिक विकृति नरोकिएको भन्दै तालाबन्दी गरेको हो । माग सुनुवाइ नभए तेस्रो चरणमा थप संघर्षका कार्यक्रम गर्ने अखिल क्रान्तिकारी बर्दिया जिल्ला अध्यक्ष हरि प्याकुरेलले जानकारी दिए।
तालाबन्दी कार्यक्रममा क्रान्तिकारीका बर्दिया इन्चार्ज लोकेश राज जोशी , बर्दिया जिल्ला अध्यक्ष हरि प्याकुरेल लगायतका नेताकार्यकर्ता उपस्थित रहेका थिए ।
