सुनवल।सुनवल नगरपालिका–७, गणेशबस्तीमा जारी मेयर कप फुटबल प्रतियोगिताको फाइनलमा वडा नम्बर ३ र वडा नम्बर ८ भिड्ने भएका छन।आइतबार सम्पन्न दोस्रो सेमिफाइनल खेलमा वडा नम्बर ८ ले वडा नम्बर ७ लाई १–० गोलले पराजित गर्दै फाइनल यात्रा तय गरेको हो। खेलमा उत्कृष्ट प्रदर्शन गरेका सनम तामाङ म्यान अफ द म्याच घोषित भए।
यसअघि सम्पन्न पहिलो सेमिफाइनल खेलमा वडा नम्बर ३ ले वडा नम्बर १३ लाई ६–० को अन्तरले हराउँदै उपाधि नजिक पुगेको आयोजक समितिका अध्यक्ष प्रकाश बारघरे बताए।जेठ ६ गते उपाधिका लागि भिड्न्त हुने आयोजकले जनाएको छ ।
प्रतियोगितामा नगरका १३ वटा वडा र आयोजकका २ टिमसहित कुल १४ टिमको सहभागिता रहेको थियो। प्रतियोगिताका विजेता टिमले रु १ लाख ५५ हजार, उपविजेताले रु ९० हजार, र सेमिफाइनलमा पुग्ने दुई टिमले जनही रु २५ हजार नगद पुरस्कार प्राप्त गर्नेछन्।
त्यसैगरी उत्कृष्ट फरवार्ड, मिडफिल्डर, डिफेन्डर, गोलकिपर तथा सर्वोत्कृष्ट खेलाडीलाई पनि विधागत रूपमा पुरस्कार प्रदान गरिने आयोजक समितिका सचिव खडग रानाले जानकारी दिए।
