सुनवल।सुनवल जारी फुटबल प्रतियोगिता सुनवल-३ फाइनलमा प्रवेश गरेको छ।पहिलो सेमिफाइनलमा वडा नम्बर १३ लाई शुन्यका विरुद्ध ६ गोल गर्दै वडा नम्बर ३ उपाधी नजिक पुगेको आयोजक समितिका अध्यक्ष प्रकाश बारघरेले जानकारी दिए।
खेलको निर्णायक गोल गरेका सुनवल-३ का राम बहादुर थापा म्यान अफ द म्याच घोषित भए।पहिलो दोश्रो सेमिफाइनल खेल जेठ २ गते वडा नम्बर ७ र ८ बीच हुने आयोजक समितिका सचिव खडग रानाले जानकारी दिए।
सुनवल नगरपालिका-७ गणेशबस्तीमा जारी फुटबल प्रतियोगितामा नगरका १३ वटा वडा र आयोजक २ टिमसहित कुल १४ टिमको सहभागिता रहेको प्रतियोगिता यही जेठ ४ गतेसम्म सञ्चालन हुनेछ।
विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ।सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन।त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।
