सुनवल।सुनवल जारी फुटबल प्रतियोगिता सुनवल-८ अन्तिम चारमा स्थान बनाएको छ।आठौं मेयर कप फुटबल प्रतियोगिता चौथो क्वाटरफाइनल खेलमा सुनवल-८ ले सुनवल-६ लाई शुन्यका बिरुद्द १ गोलको अन्तरले पराजित गर्दै अन्तिम चारमा स्थान बनाएको आयोजक समितिका अध्यक्ष प्रकाश बारघरेले जानकारी दिए।
खेलको निर्णायक गोल गरेका सुनवल-८ का टेक बहादुर म्यान अफ द म्याच घोषित भए।पहिलो सेमिफाइनल खेल जेठ १ गते वडा नम्बर ३ र १३ प्रतिस्पर्धा हुनेछ भने जेठ २ गते वडा नम्बर ७ र ८ बीच हुने आयोजक समितिका सचिव खडग रानाले जानकारी दिए।
सुनवल नगरपालिका-७ गणेशबस्तीमा जारी फुटबल प्रतियोगितामा नगरका १३ वटा वडा र आयोजक २ टिमसहित कुल १४ टिमको सहभागिता रहेको प्रतियोगिता यही जेठ ४ गतेसम्म सञ्चालन हुनेछ।
विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ।सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन।त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।
