सुनवल।आठौँ मेयर फुटवल प्रतियोगितामा आयोजक वडा नम्बर ७ बि सेमीफाइनल प्रवेश गरेको छ।प्रतियोगिताको दोश्रो क्वाटरफाइनल खेलमा वडा नं ७ ले वडा नं २ लाई शुन्यका विरुद्ध २ गोलले पराजित गर्दै सेमिफाइनलमा प्रवेश गरेको आयोजक समितिका अध्यक्ष प्रकाश बारघरेले जानकारी दिए।
आजको खेलमा वडा नं ७ का रोहन राना “म्यान अफ द म्याच” घोषित भए।भोलि बैशाख ३० गते तेस्रो क्वाटरफाइनल खेल वडा नम्बर १२ र ३ बीच हुनेछ भने चौथो ३१ गते वडा नम्बर ६ र ८ बीचरोमान्चक प्रतिपर्धा हुने आयोजक समितिका सचिव खडग रानाले जानकारी दिए।
सुनवल नगरपालिका -७ गणेशबस्तीमा जारी फुटबल प्रतियोगितामा नगरका १३ वटा वडा र आयोजक २ टिमसहित कुल १४ टिमको सहभागिता रहेको प्रतियोगिता यही जेठ ४ गतेसम्म सञ्चालन हुनेछ ।
विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ। सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन।त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।
