सुनवल।सुनवल जारी आठौं मेयर कप फुटबल प्रतियोगिता तेस्रो क्वाटरफाइनल खेलमा सुनवल-३ विजयी हुँदै सेमिफाइनलमा प्रवेश गरेको छ। सुनवल–३ ले सुनवल–१२ लाई १–० गोल अन्तरले पराजित गर्दै अन्तिम चारमा स्थान बनाएको आयोजक समितिका सचिव खडग रानाले जानकारी दिए।
खेलको एक मात्र निर्णायक गोल गरेका सुनवल-३ का सुसान शाहीले म्यान अफ द म्याच घोषित भए।फाईनल प्रवेशको लागि सुनवल ३ ले सुनवल १३ संग जेठ १ गते सेमिफाइनल खेल खेल्नेछ।
सुनवल नगरपालिका -७ गणेशबस्तीमा जारी फुटबल प्रतियोगितामा नगरका १३ वटा वडा र आयोजक २ टिमसहित कुल १४ टिमको सहभागिता रहेको प्रतियोगिता यही जेठ ४ गतेसम्म सञ्चालन हुनेछ ।
विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ। सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन।त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।
