सुनवल।सुनवल नगरपालिका–७ गणेश बस्तीमा जारी आठौँ फुटवल प्रतियोगितामा वडा नम्बर १३ सेमीफाइनल प्रवेश गरेको छ।प्रतियोगिताको पहिलो क्वाटरफाइनल खेलमा वडा नं १३ ले वडा नं १० लाई पेनाल्टी सुटआउटमा ५ का बिरुद्द ४ गोलले पराजित गर्दै सेमिफाइनलमा प्रवेश गरेको आयोजक समितिका अध्यक्ष प्रकाश बारघरेले जानकारी दिए।
निर्धारित समयमा बराबरीमा सकिएपछि पेनाल्टीमा गएको थियो। आजको खेलमा वडा नं १३ का वेदनाथ भट्टराई(बिनोद)“म्यान अफ द म्याच” घोषित भए।
दोश्रो क्वाटरफाइनल खेल भोलि २९ गते वडा नम्बर ७ र २ बीच हुने आयोजक समितिका सचिव खडग रानाले जानकारी दिए।३० गते वडा नम्बर १२ र ३ बीच हुनेछ भने ३१ गते वडा नम्बर ६ र ८ बीचरोमान्चक प्रतिपर्धा हुनेछ। नगरका १३ वटा वडा र आयोजक २ टिमसहित कुल १४ टिमको सहभागिता रहेको प्रतियोगिता यही जेठ ४ गतेसम्म सञ्चालन हुनेछ ।
विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ। सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन।त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।
