ट्रेन्डीङ्ग

वडा नम्बर १३ क्वाटरफाइनलमा

सुनवल।सुनवलमा जारी आठौं नगरस्तरीय मेयर कप फुटबल प्रतियोगितामा वडा नम्बर १३ क्वाटरफाइनलमा प्रवेश गरेको छ।पाचौं दिनको खेलमा वडा नम्बर १३ ले वडा नम्बर ५ लाई १–० गोल अन्तरले पराजित गर्दै दोस्रो चरणमा स्थान सुरक्षित गरेको हो।

खेलमा निर्णायक गोल गरेका वडा नम्बर १३ का वेदनाथ भट्टराई(बिनोद) ‘म्यान अफ द म्याच’ घोषित भए । त्यस्तैगरी भोलि शनिबार वडा नम्बर २ र वडा नम्बर ९ बीच प्रतिस्पर्धा हुने फुटबल प्रतियोगिता उपभोक्ता समितिका सचिव खडक रानाले जानकारी दिए ।

सुनवल नगरपालिका–७ गणेश बस्तीमा जारी प्रतियोगितामा नगरका १३ वटा वडा र आयोजक टिमसहित कुल १४ टिमको सहभागिता रहेको प्रतियोगिता यही जेठ ४ गतेसम्म सञ्चालन हुनेछ।

विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ। सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन् ।

त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।

यो समाचार पढेर तपाईलाई कस्तो लाग्यो ?