ट्रेन्डीङ्ग

वडा नम्बर ६ को उत्कृष्ट जित

सुनवल।पश्चिम नवलपरासीको सुनवलमा संचालित आठौं मेयर कप फुटबल प्रतियोगिताको चौथो खेलमा वडा नम्बर ६ विजयी भएको छ।

वडा नम्बर -७ गणेश बस्ती खेलमैदानमा जारी प्रतियोगितामा वडा नम्बर ४ लाई १ का विरुद्ध ३ गोल गर्दै वडा ६ ले स्पष्ट जित हासिल गरेको मेयर कप सञ्चालन तथा व्यवस्थापन समितिका अध्यक्ष प्रकाश बारघरेले जानकारी दिए।

आजको खेलमा वडा नम्बर ६ का ललित पुन म्यान अफ द म्याच घोषित भए।भोलि शुक्रबार पाँचौ खेल वडा नम्बर १३ र ५ बिच हुने मेयर कप सञ्चालन तथा व्यवस्थापन समितिका सचिव खड्ग रानाले जानकारी दिए।

प्रतियोगिताको विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ। सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन् ।

त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।

यो समाचार पढेर तपाईलाई कस्तो लाग्यो ?