सुनवल।आठौं नगरस्तरीय मेयर कप फुटबल प्रतियोगिताको तेस्रो दिनको खेलमा वडा नम्बर ३ विजयी भएको छ। सुनवल नगरपालिका–७ गणेश बस्तीमा जारी प्रतियोगितामा वडा नम्बर ३ ले वडा नम्बर ११ लाई ३ का बिरुद्द शुन्य गोलको अन्तरले पराजित गरेको मेयर कप सञ्चालन तथा व्यवस्थापन समितिका सचिव खड्ग रानाले जानकारी दिए।
आजको खेलमा तनिश गुरुङ म्यान अफ द म्याच घोषित भए।
नगरका १३ वटा वडा र आयोजक टिमसहित कुल १४ टिमको सहभागिता रहेको प्रतियोगिता यही जेठ ४ गतेसम्म सञ्चालन हुनेछ।
विजेता टिमले नगद १ लाख ५५ हजार रुपैयाँसहित र उपविजेता टिमले ९० हजार रुपैयाँ पाउनेछ। सेमिफाइनलमा पुग्ने दुई टिमलाई जनही २५ हजार रुपैयाँ पुरस्कार प्राप्त गर्ने छन् ।
त्यसैगरी, विधागत रूपमा उत्कृष्ट फरवार्ड, मिडफिल्डर, डिफेन्डर, गोलकिपर र सर्वोत्कृष्ट खेलाडीलाई पनि विशेष पुरस्कारको व्यवस्था गरिएको आयोजक समितिले जनाएको छ।
