ट्रेन्डीङ्ग

सुनवलमा आगलागीबाट १० कट्ठा जग्गामा लगाइएको उखु नष्ट

सुनवल।पश्चिम नवलपरासीको सुनवलमा उखु खेतमा लागेको आगोले बाली नष्ट गरेको छ।आज बिहान सुनवल नगरपालिका-२ रजहवामा प्रलाद पासिको १० कठ्ठामा लगाइएको उखु जलेर नष्ट भएको हो।

स्थानीय श्याम बहादुर भण्डारीले आफ्नो खेतमा भएको झार,तोरीको ठुटिहरु जलाउँदा हावाले आगो उडाएर पासिको उँखुबारीमा आगो लागेर नष्ट भएको इलाका प्रहरी कार्यलयका प्रहरी निरीक्षक सन्तोष पौडेलले जानकारी दिए।

सुनवलमा दमकल अभाव हुँदा छिमेकी पालिका रामग्रामबाट आएको दमकल,प्रहरी र स्थानीय लगायतको सहयोगमा आगो नियन्त्रणमा लिइएको प्रहरीले जनाएको छ।

केही दिन अगाडि मात्रै दुई वटा स्कार्पियो गाडी खरिद गरेर आलोचित बनेको सुनवलमा भन्सारमा आइपुगेको दाबी गरिएको दमकल अझै आइपुगेको छैन।जसका कारण आगलागीका घटनामा ठुलो क्षती हुदै आएको छ।

आगलागी भएपछि केहि दिन अगाडि किनिएको स्वकापियोको विषयमा सामाजिक संजालमा चर्को आलोचना भएको छ ।एकै पटक दुई वटा स्कार्पियो खरिदले सुनवल बासिमा आक्रोश देखिएको छ ।

यो समाचार पढेर तपाईलाई कस्तो लाग्यो ?