सुनवल।पश्चिम नवलपरासीको सुनवलमा आठौँ मेयर कप फुटबल प्रतियोगिताको बैशाख २२ गतेदेखि हुने भएको छ।बौद्दकालिन ऐतिहासिक एव धार्मिक देवदह तालको प्रचारप्रसार गर्ने उद्देश्य सहित फुटबल प्रतियोगिता गर्न लागिएको मेयर कप फुटबल खेल उपभोक्ता समिती अध्यक्ष प्रकाश बारघरेले जानकारी दिनुभयो।
सुनवल नगरपालिकाको आर्थिक सहयोग र वडा नम्बर ७ को व्यवस्थापनमा गणेशबस्ति खेलमैदानमा हुने प्रतियोगिताको विजेता टिमले नगद १ लाख ५५ हजार रुपैँया तथा उपविजेता टिमले नगद ९० हजार रुपैँया सहित शिल्ड मेडल प्रमाणपत्र प्राप्त गर्ने आज पत्रकार सम्मेलन गर्दै खेल संयोजक बारघरेले जानकारी गराए।
त्यस्तैगरि सेमिफाइनलमा पुग्ने २ टिमले २५/२५ हजार प्राप्त गर्ने छन।त्यसैगरी विधागततर्फ उत्कृष्ट फर्वाड,मिड फिल्डर, गोल किपर,डिफेन्डर र सर्वोत्कृष्ट खेलाडीलाई समेत उचित पुरस्कारको व्यवस्था गरिएको आयोजनाले जनाएको छ। प्रतियोगितामा आयोजक वडाका दुई टिमसहित १३ वटा वडाका १४ टिम सहभागी हुनेछन।प्रतियोगिताको फाइनल खेलसहित समापन समारोह जेठ ४ गते हुने जनाइएको छ ।
पत्रकार सम्मेलनमा सुनल नगरपालिका वडा नम्बर ७ का वडा अध्यक्ष नारायण आचार्य, वडा नम्बर ११ का वडा अध्यक्ष कमल चुवाई जिल्ला फुटबल सङ्घका कोच जितबहादुर पुन, जिल्ला फुटबल संघका संजीव लामा लगायत खेलाडीहरूको समेत उपस्थिति रहेको थियो। सो अवसरमा खेलाडीहरूको जर्सी सार्वजनिक गरिएको थियो भने प्रत्येक वडाका खेलाडीहरूलाई खेल अभ्यासका लागि फुटबल समेत प्रदान गरिएको ८ औ मेयर कप फुटबल प्रतियोगिता संचालन तथा व्यवस्थापन उपभोक्ता समितिका सचिव खड्क रानाले जानकारी दिए।
