सुनवल।सोमनाथ बाबा माध्यामिक बिद्यालय सुनवलको २६ औं वार्षिकोत्सब तथा अभिभावक दिवस विविध कार्यक्रम गरि मनाएको छ।विद्यालयका अध्यक्ष बोधराज घिमिरेको अध्यक्षता रहेको कार्यक्रममा प्रमुख अतिथी प्रतिनिधि सभा सदस्य तथा पुर्व कानुन मन्त्री धुर्व बहादुर प्रधानले कुशल नेतृत्व र प्रतिबद्धताले सस्था अगाडि बढ्ने बताए।लामो इतिहास बोकेको सोमनाथ माविको वर्तमान संचालको नेतृत्व र सम्पुर्ण टिम प्रतिबद्ध भैइ लागेको भन्दै विद्यालयलाई थप उचाइमा पुर्याउने बिश्वास व्यक्त गरे।
त्यस्तै बिशिष्ट अतिथी प्रदेश सभा सदस्य तथा पुर्व मन्त्री खड्ग बस्नेतले सोमनाथ माविले समाजकै नेतृत्व गर्दै अरु विद्यालयको लागि पनि उदाहरणीय बन्नु पर्नेमा जोड दिए।त्यस्तै बिद्यालयले अबका दिनमा अजै गुणस्तरीय शिक्षा प्रदान गर्दै विद्यार्थीहरुको रोजाईमा पर्ने बिश्वास व्यक्त गरे।
जिल्ला सहकारी संघ नवलपरासीका अध्यक्ष बिष्णुप्रसाद पौडेल, महाकवी देवकोटा क्याम्पसका अध्यक्ष कृष्ण लामिछाने, सामाजिक शैक्षिक पेउनारायण न्यौपाने, उमाकान्त उपाध्याय, थिरलाल न्यौपाने, कुलप्रसाद पौडेल , ओमकान्त तिमिल्सिना, विद्यार्थी सृजन तिवारी लगायत अभिभावकहरु बिधालयका प्रध्यानाध्यापक,शिक्षक कर्मचारी लगायत बिद्यार्थीहरुको उपस्थिति रहेको थियो।
कार्यक्रममा उत्कृष्ट अंक ल्याई उतिर्ण हुने विद्यार्थीहरुलाई पुरस्कार बितरण गरिएको थियो। शिक्षक खगराज उपाध्यायको स्वगत संगै सुरु भएको कार्यक्रम शिक्षक दुर्गा न्यौपानेको संचालनमा रहेको थियो।
