सुनवल।पश्चिम नवलपरासीको सुनवलमा जारी प्रथम जेनिथ कप फुटबल प्रतियोगितामा सुनवल वडा नं.३ सेमिफाइनलमा प्रवेश गरेको छ।चौथो क्वार्टरफाइनल खेलमा सुनवल ३ ले सिद्दार्थ एफसी,रुपन्देहीलाई २-१ को नतिजामा पराजित गर्दै सेमिफाइनल यात्रा पक्का गरेको हो।
खेलको क्रममा सुनवल ३ का टेक बहादुर गुरुङले खेलको ३१ औं मिनेटमा पहिलो गोल गर्दै टिमलाई अग्रता दिलाए। त्यसपछि, धर्मेन्द्र कुवरले ३९ औं मिनेटमा अर्को गोल थप्दै २ गोलको बलियो अग्रता बनाए।यद्यपि,खेलको अन्तिम समयमा सिद्दार्थ एफसीका अन्कित रास्कोटीले पेनाल्टीमार्फत १ गोल गरेका थिए,तर टिमलाई जिताउन सकेनन।
आजको खेलमा सुनवल ३ का धर्मेन्द्र कुवर म्यान अफ द म्याच घोषित भए।
जित संगै सुनवल ३ ले सेमिफाइनलमा सम्झना एफसी,हर्दियासँग प्रतिस्पर्धा गर्नेछ।प्रतियोगिताको सेमिफाइनलको पहिलो खेल आयोजक जेनिथ निलो र बिग बुद्ध एफसीबीच भोलि हुने आयोजकले जनाएको छ।
