परासी।पश्चिम नवलपरासीको सदरमुकाम परासीमा पिकअपको ठक्करबाट एक बालक गम्भिर घाईते भएका छन।

परासीको वुद्धचोकमा लु १ च ४०६४ नं. को पिकअपले साईकललाई ठक्कर दिदा साईकलको पछाडी सवार रामग्राम ५ ईमलिटोल बस्ने वर्ष ११ का समिर अन्सारी गम्भिर घाईते भएका हुन।

खुट्टामा गम्भिर चोट लागेर घाईते भएका बालकको जिल्ला अस्पताल परासीमा उपचार हुन नसकेपछि लुम्बिनी सिटि अस्पताल बुटवलमा रेफर गरिएको थियो।

साईकल,पिकअप र पिकअप चालकलाई नियन्त्रणमा लिएको जिल्ला प्रहरी कार्यालयका प्रहरी निरिक्षक नारायण थापाले जानकारी दिए।