सुनवल।सम्भावित दुई पाङ्ग्रे सवारी दुर्घटना न्यूनीकरणका लागि स्लो रेस बाइक प्रतियोगिता पश्चिम नवलपरासीमा सम्पन्न भएको छ।सामुदायिक रेडियो परासीको १७औ वार्षिकोत्सव आयोजनामा सुनवल नगरपालिका-१३ सहिद स्मृति रंगशालामा उक्त प्रतियोगिता भएको हो।
कार्यक्रममा सहभागी ८० जना मध्येबाट पहिलो चरणमा ८ टिममा विभाजन गरिएको थियो।८ टिममा सन्जु थापा, सन्तोष कुमार चौधरी,जोगिन्द्र चौधरी धर्मेन्द्र चौधरी,धनीराम यादव र गौतम विश्वकर्मा स्लो बाइक रेसमा प्रथम भएका थिए।
दोश्रो चरणमा ८ जना प्रथमको कडा प्रतिस्पर्धा गर्दा सुनवल-१३ का धर्मेन्द्र चौधरी प्रथम, सरावल-१ का जोगिन्द्र चौधरी द्वितीय र रामग्राम-५ का सन्जु थापा तृतीयमा भएका हुन।प्रथम द्वितीय र तृतीयलाई क्रमशः १० हजार, ७ हजार र ४ तिन हजार नगद सहित प्रमाणपत्र उपलब्ध गराइएको कार्यक्रम संयोजक बिकास अधिकारीले जानकारी दिए।
सवारी चालक अनुमति पत्र नलिएरै मोटरसाइकल लगायतका अन्य यातायातका साधनहरू चलाउने र दुर्घटना बढी हुने भएकाले यस्ता खाले प्रतियोगिता गरे मात्र दुर्घटनामा कमी आउने कार्यक्रमका प्रमुख अतिथि एवम लुम्बिनी प्रदेश सासद खड्ग बस्नेतको भनाई छ।
कार्यक्रममा जिल्ला प्रहरी कार्यालय र जिल्ला ट्राफिक प्रहरी कार्यालय पश्चिम नवलपरासीले सहजीकरण गरेको थियो।
