भुमही।पश्चिम नवलपरासीको भुमहीमा नगर स्तरीय चित्रकला प्रतियोगिता सम्पन्न भएको छ । योङ्ग गोर्खालीज क्लबको आयोजनामा भएको सुनवल नगर स्तरीय अन्तर विद्यालय चित्रकला प्रतियोगितामा अरनिकोको माविका मोनु कोहर प्रथम भएका छन।
त्यसैगरी सिस्किन अंग्रेजी बोर्डिङ बडेराकी सृष्टि चौधरी दोस्रो र तेस्रोमा रामनगर एकेडेमीका बिश्व न्यौपाने साथै लुम्बिनी मावी अञ्जली राना चौथो भएकी छन।
प्रतियोगितामा सहभागी उत्कृष्टलाई शिल्ड र प्रमाणपत्रले सम्मान गरिएको थियो।
योङ्ग गोर्खालिज क्लबका अध्यक्ष तपन केवटको अध्यक्षता एवं सुनवल नगर उपप्रमुख सुर्य दुवेको प्रमुख आतिथ्यतामा सम्पन्न प्रतियोगितामा सुनवल-१२ का वडा अध्यक्ष चुरामणी पौडेल (दिपक),निवर्तमान अध्यक्ष यामलाल पाण्डे लगायतको उपस्थित रहेको क्लबका बिशाल पौडेलले बताए।
सुनवल नगरपालिका भित्रका १९ माध्यमिक विद्यालयका ३३ जनाको प्रतिस्पर्धा रहेको पौडेलले जानकारी दिए।
