सुस्ता।पश्चिम नवलपरासीको सुस्तामा सम्पन्न चौथो सुस्ता अध्यक्ष कप खुला नकआउट फुटबल प्रतियोगिताको उपाधि योङ्ग गोर्खाली भुमहिले जितेको छ। फाइनलमा भारतीय टिम हर्नाटार स्पोट्स क्लबलाई शुन्यका विरुद्ध १ गोल गर्दै उपाधि जितेको हो।
सुस्ता गाउँपालिकाको आयोजना र वडा नम्बर ४ को व्यवस्थापनमा नर्सही खेल मैदानमा सम्पन्न प्रतिस्पर्धात्मक खेलमा योङ्ग गोर्खालीका बिनोद भट्टराईको एक गोल नै निर्णायक बन्न पुग्यो।
उपाधि विजेता टिम भुमहिले १ लाख ५५ हजार शिल्ड मेडल प्राप्त गरेको छ भने उपविजेता टिम हर्नाटारले १ लाखमा प्राप्त गरेको छ। विधागत तर्फ उत्कृष्ट गोल किप्पर माधव तिवारी र सर्वाधिक गोलकर्ता बिनोद भट्टराईले व्यक्तिगत बनेका खेलाडी २५००/२५०० नगद ट्रफी प्राप्त गरेका खेल संयोजक समराज गुरुङले जानकारी दिए ।
गत फागुन २० गतेदेखि संचालित प्रतियोगितामा नवलपरासी, रुपन्देही र नवलपुर जिल्लाका विभिन्न क्लब सहित छिमेकी देश भारतका गरि १० टिम सहभागी रहेका थिए।
