सुनवल । पश्चिम नवलपरासीको बर्दघाट नगरपालिका -१२ बाट गयराति हतियार सहित दुइ जना पक्राउ परेका छन।
हतियारसहित गाउंमा डुलीरहेको भन्ने सुचनाको आधारमा प्रहरीले बर्दघाट नगरपालिका-१३ का अजय अहीर र कमल चौधरीलाई पक्राउ गरेको हो।
अजय अहिरले लगाएको जिन्स पाइन्टमा लुकाएको अवस्थामा कालो रंगको पेस्तोल बरामद गरेको जिल्ला प्रहरी कार्यालय पश्चिम नवलपरासीका सुचना अधिकारी रेशम बोहोराले बताए।
पक्राउ परेका दुबैजनालाई जिल्ला अदालत परासीमा हात हतियार तथा खरखजना मुद्दामा म्याद थप गरेर आवश्यक अनुसन्धान भइरहेको प्रहरीले जनाएको छ ।
