
परासी । प्रधानमन्त्री पुष्पकमल दाहाल‘प्रचण्ड’ले बुद्धसंग सम्बन्धित तीन वटा सहरलाई ‘पिस सिटी’घोषणा गर्ने बताउनु भएको छ ।
पश्चिम नवलपरासीको रामग्राम स्तुपको वृहत्तर विकास परियोजना घोषणा कार्यक्रमलाई सम्बोधन गर्दै दाहालले यस्तो बताएका हुन्।
‘बुद्ध सर्कीटको वृहत्तर विकास र प्रचारप्रसारका लागि नवलपरासीको रामग्राम,रुपन्देहीको लुम्बिनी र कपिलवस्तुको तिलौराकोटलाई संयुक्तराष्ट संघ मार्फत ‘पिस सिटी’घोषणा गरीने छ ।’
उनले भने,‘विश्व शान्ति र यस क्षेत्रको विकासमा कोषेढुंगा सावित हुनेछ ।’ विश्वमा आफ्नो साम्राज्य फैलाउनका लागि युद्धमा होमीएका असोक सम्राटले शान्तिका लागि लुम्बिनीमा आएर असोक स्तम्भ बनाएको सम्झदै आफु पनि युद्धबाट परिवर्तन गरेर विश्व शान्तिको अभियान चलाएको बताए ।
आफुलाई असोक सम्राटसंग तुलना गर्दै प्रधानमन्त्री प्रचण्डले असोक सम्राटको भावनासंग मेल खाने बताए । वृहत्तर रामग्राम विकासको परियोजना घोषणा गर्दै प्रचण्डले विश्व शान्तिको कामना गर्दै दिप प्रज्वलन गरेका थिए ।
सोही कार्यक्रममा सस्कृति पर्यटन तथा नागरिक उड्यन मन्त्री सुदन किरातीले बुद्धसंग सम्बन्धित क्षेत्रको एकीकृत विकासमा जोड दिएका थिए । रामग्रामको प्राचिन सभ्यतालाई झल्को दिनेगरी योजना तयार पारेर धार्मीक पर्यटनलाई आकर्षित गर्नुपर्ने बताए ।
रामग्राम स्तुपको वृहत्तर विकासका लागि ‘द प्रमिश ल्याण्ड’ नामक सस्थासंग सम्झौता भएको छ ।