परासी । पश्चिम नवलपरासीकाे रामग्राममा फुटबल स्टेडियम बन्ने भएको छ । रामग्राम नगरपालिकाको लगानीमा वडा नम्बर ४ मा जितपुरमा ६०० सिट सहितको सुविधासम्पन्न रामग्राम फुटबल स्टेडियम बन्ने भएको हो ।
रामग्राम वडा नं ४ का वडा अध्यक्ष मदन यादवकाे अध्यक्षता तथा नगरप्रमुख धनपत यादवकाे प्रमुख आतिथ्यतामा शिलान्यास गरेका हुन ।
फुटबल स्टेडियम कुल अनुमानित लागत ६ कराेड ९ लाख ७५ हजार ४ सय ८९ रुपैया रहेकाेमा ५ कराेड १० लाख २६ हजार २ सय १२ रुपैयामा ठेक्का सम्झौता भएकाे नगर प्रमुख यादवले बताए ।
६०० फाईबर सिट क्षमता प्याराफिट, व्यापारीक सटर ,चेन्जिङ रुमकाे सुबिधा सहित अपांग मैत्री बन्ने जनाइएकाे छ ।
आगामी भदौ भित्र काम सक्ने गर्ने गरी सम्झौता भएको छ । मैदान निर्माणको जिम्मा ब्रम्हायणी बिरुपाक्ष बिज्ञान जेभि झापा पाएको छ ।
