ट्रेन्डीङ्ग

एसइइमा ४ जिपिए ल्याएका सोयम भन्छन्,”जे गर्छु नेपालमा नै गर्छु “

बर्दघाट।एसइइको नतिजा सार्बजनिक भए संगै उत्कृष्ट नतिजा ल्याउने विद्यार्थीहरु डाक्टर,इञ्जीनियर तथा चाटर्ड एकाउन्टेन्ट बन्ने भन्दै उच्च शिक्षाका लागि योजना बनाउने गर्दछन।प्राय पछिल्लो समय विद्यार्थीहरुले उच्च शिक्षा हासिल गर्नका विदेश जाने र उतै पलायन हुने क्रम बढ्दो छ।

 

पश्चिम नवलपरासीको बर्दघामा रहेको न्यू लाईफ मावीबाट ४ जिपिए ल्याएर सोयम पाण्डे एसइइमा देशमै उत्कृष्ट नतिजा ल्याउने विद्यार्थीको सुचिमा परेका छन।

 

पाण्डेले देशकै उत्कृष्ट नतिजा ल्याएपछि उनका ७६ बर्षिय उनका हजुरबुबा डालाराज पाण्डे दंग छन।नातिले उत्कृष्ट नतिजा ल्याउँछ भन्ने लागेको थियो । चार जिपिए नै ल्याएछ भन्ने ढुक्क नभएको बताउने भन्छन-“नातिको मेहनत गरे अनुसारको उत्कृष्ट नतिजा आएकोमा निकै खुसी छौं।”पाण्डेले हर्षित हुँदै खुसी बाँडे।सोयमका बुबा कृष्ण प्रसाद पाण्डे र आमा हिराकुमारी पाठक छोराको नतिजाले प्रफुल्लीत छन।

 

यो नतिजा प्राप्त गर्नुमा निरन्तरको मेहनत र शिक्षकहरुको प्रेरणा रहेको सोयम बताउँछन।पढाई कुनै विशेष समयमा कडा मेहनत गर्ने र कुनै समय वास्ता नै नगर्ने गर्नाले सोचे जस्तो नतिजा अनाउने उनको बुझाई छ।घर परिवारले सधै राम्रो वातावरण सिर्जना गरि दिएका कारण सदैव पढ्नका लागि उर्जा प्राप्त भएको उनले बताए।उनले आफु ईञ्जीनियर बनेर देशको सेवा गर्ने सपना देखेका छन।

 

नेपालमा नै पढ्ने बताउने उनी भन्छन-“म उच्च शिक्षाका लागि विदेश जान्न,म नेपालमा नै पढ्छु र नेपालमै काम गर्छु।जे गर्छु नेपालमानै गर्छु ।”

 

परिवारले सोयमले चाहेको बिषय अध्ययनका लागि सबै खाले सहयोग गर्न तम्तयार छन।उनको नतिजाले घर परिवार मात्र होईन विद्यालय परिवारले पनि खुसी मनाईरहेको छ।प्राप्त नतिजाले सोयमले आफ्नो मात्र नभई विद्यालयको गरिमा पनि बढाएको विद्यालयका प्रबन्ध निर्देशक डिल बहादुर अधिकारी बताउँछन।

 

न्यू लाईफले विगतका बर्षहरुमा उत्कृष्ट नतिजा प्रस्तुत गर्दै आईरहेकोमा यस बर्ष पनि उत्कृष्ट नतिजा आयो । बिगतका बर्षहरु देखीनै उत्कृष्ट नतिजा निरन्तरता रुपमा दिनका लागि शिक्षक,विद्यार्थी र अभिभावकले गरेको कडा मेहनत नै मुख्य कारण रहेको उनको बुझाई छ।

 

६३ जना बिद्यार्थीहरुलाई एसइइमा सहभागी गराएकोमा सोयमले ४ जिपिएर सहित देशकै उत्कृष्ट नतिजा दिलाएको र पश्चिम नवलपरासीमा प्रथम देखी सातौं स्थानसम्म उत्कृष्ट न्यू लाईफ कै विद्यार्थीहरु भएको प्रिन्सिपल सन्तोष अधिकारीले बताए।

 

उनका अनुसार-“७ जनाले ३ दशमलव ६५ जिपिए भन्दा माथी अर्थात ए प्लस,१३ जनाले ए,२३ जनाले बि प्लस र २० जनाले बि ग्रेड सहित शत प्रतिशत नतिजा विद्यालयले प्राप्त गरेको छ।”

यो समाचार पढेर तपाईलाई कस्तो लाग्यो ?