सुनवल।महाकवि देवकोटा क्याम्पसको १२ औं सभा सम्पन्न भएको छ।महाकवि देवकोटा क्याम्पसका अध्यक्ष कृष्ण प्रसाद लामिछानेको अध्यक्षता तथा लुम्विनी प्रदेश सभा सदस्य खड्क वस्नेतको प्रमुख आतिथ्यतामा १२ औं सभा क्याम्पसको सभाहलमा सम्पन्न भएको हो।
वि.स २०६१ सालदेखि गुणस्तर सुनिश्चितता तथा प्रत्यायन क्युएए प्रक्रियामा सहभागी भई वि.स २०७४ मा क्याम्पसले विश्वविद्यालय अनुदान अयोग नेपालद्धारा प्रदान गरिने क्युएए प्रमाण पत्र प्राप्त गर्दै क्याम्पसमा वि.वि.ए कार्यक्रम र वि.स २०७८ देखि त्रिभुवन विश्वयविद्यालय व्यवस्थापन संकाय अन्तर्गतको एम.वि.वि.एस कार्यक्रम संचालनमा रहेको अध्यक्ष कृष्ण लामिछानेले बताउनुभयो।
त्यस्तै क्याम्पसमा एम.विए.स. ,वि.आई.सिटि.इ,विविएस वि.एड र वि.ए का कक्षाहरु संचालनमा रहेका छन।साथै क्याम्पसलाई नेपालको उत्कृष्ट १० भित्र परेको जानकारी गराउदै थप सुधारमा निरन्तर लागी परेको बताउनुभयो।
अध्यक्ष लामिछानेले क्याम्पसको नाममा पुर्जा नहुँदा धेरै अनुदानका रकमहरु रोकिएको बताउदै अवको सरकारले यस समस्यालाई समाधन गर्नु पहल गर्नेमा आफु विश्वस्त रहेको बताउनुभयो।त्यस्तै नजिकीदै गरेको स्ववियु चुनाबलाई लक्षित गर्दै अध्यक्ष लामिछानेले त्रिविका आंगिक क्याम्पसहरुमा जस्तो राजनिति गर्न नहुनेमा जोड दिनुभयो।साथै उहाँले शैक्षिक गतिविधिलाई असर नपर्ने गरि स्वावियुको चुनाब गर्नुपर्ने समेत धारणा राख्नुभयो।यस क्षेत्रका विभिन्न संघ संस्था तथा सम्वन्धित निकायहरुबाट क्याम्पसको गुणस्तर साथै भौतिक विकासका लागी सहयोग भएको भन्दै सुनवल नगरपालिकाले गरेको सहयोग निरन्तर रहनेमा क्याम्पस ढुक्क भएको समेत बताउनुभयो।
त्यस्तै क्याम्पसको १२ सभाका प्रमुख अतिथि लुम्विनी प्रदेश सभा सदस्य खड्क वस्नेतले देवकोटा क्याम्पसलाई दिर्घकालिन वनाउन सुनवल नगर वरिपरिका शैक्षिक संस्थाहरु वलियो बनाउन आवश्यक रहेको बताउनुभयो।साथै यस क्याम्पसले अभिभावकत्व ग्रहण गरि सवै शैक्षिक संस्थाहरुको नेतृत्वदायि भुमिका खेल्नुपर्ने बताउनुभयो।उहाँले अवको शिक्षा भनेको जिवनउपयोगी शिक्षा हुनुपर्नेमा जोड दिदै सवैको संयुक्त प्रयास र लगानीले क्याम्पस यो अवस्थामा आएको वताउनुभयो।साथै आफुले क्याम्पसको वृद्धिविकासका लागी सम्पुर्ण सहयोगहरु गर्ने बताउदै आवश्यक अन्य निकायहरु संग समेत समन्वय गर्ने बताउनुभयो ।
क्याम्पस संचालक समिति सदस्य भविश्वर तिवारीको स्वागत मनतब्य रहेको कार्यक्रममा आजिवन सदस्य यज्ञ प्रसाद पाण्डे,देवि घिमिरे, क्याम्पसका निर्वतमा अध्यक्ष तथा संरक्षक विष्णु प्रसाद पौडेल,निर्वतमान सुनवल नगरपालिका नगर उपप्रमुख दधिराम अर्याल,सुनवल नगरपालिकाका नगर उपप्रमुख सुर्य प्रसाद दुवे लागाएतले क्याम्पसको १२ औं सभालाई सम्वोधन गरेको कार्यक्रम संचालक प्रध्यापक हरिदत्त पौडेलले जानकारी दिनुभयो।
क्याम्पसले आर्थिक वर्ष २०७८/७९ मा ४ करोड ३६ हजार आम्दानी र ४ करोड १९ लाख ३७ हजार खर्चको आयव्याय विवरण सार्वजनिक गरेको थियो।
