परासि।चौधरी फाउण्डेसनले झाडापखाला प्रभावित क्षेत्र रामग्राम नगरपालिकामा स्वास्थ्य सामग्री सहयोग गरेको छ।
नवलपरासीको रामग्राम नगरपालिका-१८ मा झाडापखालाले ठूलो संंख्यामा विरामी भएका थिए । उक्त क्षेत्रमा चौधरी फाउण्डेसनले शुक्रबार स्वास्थ्यसामग्रीका साथै राहत सहयोग उपलब्ध गराएको हो।
फाउण्डेसनले स्थानीय तहसँगको समन्वयमा प्रभावित क्षेत्रमा स्वास्थ्य सामग्री सहयोग गरेको वडा नं.१८ का वडाध्यक्ष गोपाल डिस्वा मगरले जानकारी दिए।उनका अनुसार केहि दिनदेखि फैलिएको झाडापखालाबाट झण्डै दुई सय जना विरामी भएका थिए।
चौधरी फाउण्डेसनले विशेषज्ञ टीमसहित स्वास्थ्यकर्मी पठाउनेबारे पनि स्थानीय तहसँग छलफल गरेको थियो । ‘उहाँहरु(चौधरी फाउण्डेसन)ले प्रभावित क्षेत्रमा स्वास्थ्यकर्मी पठाउँछौं पनि भन्नुभएको छ तर अहिले विरामी सबै जना प्राथमिक उपचारपछि घर फर्किनुभएको छ,’वडाध्यक्ष मगरले भने,एक्कासी ठूलो संख्यामा झाडापखालाका विरामी हुँदा चौधरी फाउण्डेसनले जुन सहयोग गर्यो।यसले ठूलो राहत पुगेको छ।’झाडापखाला कसरी फैलियो भन्नेबारे एकिन जानकारी नभएको नगरपालिकाका मेयर धनपत यादवले बताए।
चौधरी फाउण्डेसनले विभिन्न औषधिका साथै सरसफाईका सामग्री उपलब्ध गराएको हो ।
