परासि।पश्चिम नवलपरासीको सुनवल स्थित महाकवि देवकोटामा बधाई तथा शुभकामना कार्यक्रम सम्पन्न भएको छ।
नेपाल सरकार शिक्षक सेवा आयोगबाट महाकवि देवकोटा नमुना माध्यामिक विद्यालयका प्रध्यानाध्यापक खेमलाल जेशी शर्मा र शिक्षक नारायण भारती वढुवा हुनुभएको हो।
प्रअ शर्मा दोस्रो तहमा वडुवा हुनुभएको हो भने विज्ञान शिक्षक भारती प्रथम तहमा वडुवा हुनुभएको हो।सुनवल नगरपालिका भित्रका विद्यालय मध्यबाट देवकोटाका दुवैजना वढुवा हुनुभएपछि विद्यालयले बद्याई तथा शुभकामना कार्यक्रम आयोजना गरेको हो।
विद्यालय व्यवस्थापन समितिका अध्यक्ष ज्ञानहरी अर्यालले वद्याई तथा शुभकामना व्यक्त गर्दै सुनवल नगरपालिकामै देवकोटा नमुना मा.विका प्रअ शर्मा र शिक्षक भारती एकै पटक दुवैको वढुवा हुनु देवकोटाकै गर्वको विषय भएको बताउनुभयो।
सोहि अवसरमा प्रअ शर्मा र शिक्षक भारतीले बद्याई तथा शुभकामना कार्यक्रम आयोजना गरी बद्याई तथा शुभकामना दिनुहुने विद्यालय परिवारलाई धन्यवाद ब्यक्त गर्नुभएको थियो।
कार्यक्रममा अध्यक्षता विद्यालय व्यवस्थापन समितिका अध्यक्ष ज्ञानहरी अर्यालको,स्वागत मन्तव्य साहायक प्रअ रुकमागत वस्यालको र संचालन संयोजक विकास भण्डारीको रहेको थियो।
सो अवसरमा विद्यालय व्यवस्थापन समितिका सदस्यहरु,शिक्षक अभिभावक संघका सदस्यहरु, विद्यालयका सहायक प्रअ खेम वहादुर नेपाली लगायत विषयगत संयोजक तथा तहगत प्रमुखहरु,शिक्षकहरु साथै कर्मचारीहरुले वद्याई तथा शुभकामना व्यक्त गर्नुभएको थियो।
